1. តើអ្នកជាមនុស្សស្រលាញ់មិត្តភក្តិឬសង្សាច្រើនជាង?
អ្នកខ្លះមានសង្សាហើយចោលមិត្តភក្តិតែម្តងតែអ្នកខ្លះវិញព្រួយបារម្ភពីមិត្តភក្តិរហូតទាល់តែសង្សាតូចចិត្ត ចុះអ្នកវិញ?
១- សង្សាទូរស័ព្ទមកប្រាប់ថាមិត្តភក្តិរបស់អ្នកញ៉ោះពីរឿងក្បាលទំពែករបស់គេ រួចធ្វើដូចជាសប្បាយចិត្តខ្លាំងណាស់ អ្នកនឹង ៖
ក- ទូរស័ព្ទទៅមិត្តភក្តិ សង្សាឈឺចាប់ ខ្ញុំក៏ឈឺចាប់ដែរ (៣ពិន្ទុ)
ខ- ធ្វើធម្មតាៗ បើមិនបានលឺនឹងត្រចៀកកុំអាលជឿ (២ពិន្ទុ)
គ- មានអី! សង្សាក៏ធ្លាប់ញ៉ោះមិត្តភក្តិខ្លួនលេងដែរ (១ពិន្ទុ)
២- អ្នកបានសំបុត្រមើលការប្រគំតន្ត្រី២សន្លឹក ហើយអ្នកចម្រៀងដែលមកច្រៀងនោះជាតារាដែល មិត្តភក្តិក៏ដូចជាសង្សាអ្នកចូលចិត្ត អ្នកនឹង៖
ក- អ្នកណាទំនេរនាំអ្នកហ្នឹងទៅ (២ពិន្ទុ)
ខ- នេះជាឱកាសបាននែបនិត្យជាមួយសង្សា (៣ពិន្ទុ)
គ- មិត្តភាពត្រូវគិតមុន ចំណែកសង្សាគិតតាមក្រោយ (១ពិន្ទុ)
៣- រវាង មិត្តភក្តិនិងសង្សា អ្នកណាមួយដែលអ្នកចំណាយពេលច្រើនជាង?
ក- ស្រេចទៅលើអ្នកណាបានណាត់មុន (២ពិន្ទុ)
ខ- ប្រាកដជាសង្សាហើយ! អោយតែចេញពីធ្វើការទៅញ៉ាំបាយជាមួយគ្នារាល់ល្ងាច (៣ពិន្ទុ)
គ- មិត្តភក្តិ តែបើសង្សាណាត់ក៏នាំគេមកសប្បាយជុំគ្នាដែរ (១ពិន្ទុ)
៤- សង្សារបស់អ្នកបបួលអ្នកទៅដើរលេងតាមខេត្ត តែចៃដន្យអីអ្នកមានការងារដែលត្រូវធ្វើជាមួយមិត្តភក្តិជាក្រុម អ្នកនឹង៖
ក- អង្គុយធ្វើការដោយភាពសោកស្តាយបំផុត (១ពិន្ទុ)
ខ- អ្នកនឹងទូរស័ព្ទទៅប្រាប់មិត្តភក្តិពីភាពចាំបាច់របស់អ្នករួចអោយពួកគេធ្វើការជំនួសអ្នក (៣ពិន្ទុ)
គ- និយាយសុំទោសសង្សាអ្នក ដោយប្រាប់ថាអ្នកជាប់រវល់ (២ពិន្ទុ)
៥- បើមានអ្នកនិយាយថាសង្សាមកក៏មកទៅ ប៉ុន្តែមិត្តភាពស្ថិតស្ថេរអស់មួយជីវិត អ្នកយល់ស្របឬទេ?
ក- ខ្ញុំជឿថាសង្សាគឺជាអ្នកដែលនឹងត្រូវរស់នៅជាមួយយើងអស់មួយជីវិត តែមិត្តភក្តិអាចរកពេលណាក៏បានដែរ (៣ពិន្ទុ)
ខ- យល់ស្របព្រោះបទពិសោធក្នុងជិវិតបានបង្ហាញដូច្នោះ (១ពិន្ទុ)
គ- សុំអោយមានទាំងមិត្តភក្តិទាំងសង្សាមួយជីវិតបានទេ? (២ពិន្ទុ)
៦- បើអ្នកត្រូវមិត្តភក្តិដណ្តើមសង្សាទៅ តើអ្នកនឹងខឹងអ្នកណាច្រើនជាង?
ក- ខឹងនិងស្អប់ទាំង២នាក់ (២ពិន្ទុ)
ខ- ខឹងមិត្តភក្តិរាប់អានគ្នាច្រើនឆ្នាំហើយមិនគួរធ្វើបែបនេះទៅរួច (១ពិន្ទុ)
គ- ខឹងសង្សា ស្អប់ជាមនុស្សសាវ៉ា (៣ពិន្ទុ)
៧- អ្នកបានទទួលកាដូថ្ងៃកំណើតជាសែកប្រាក់សុទ្ធច្រើន អ្នកនឹង៖
ក- ទៅដើរទិញឥវ៉ាន់ម្នាក់ឯង នឹងបានរើសតាមចិត្ត (២ពិន្ទុ)
ខ- ប្រញាប់ទូរស័ព្ទទៅបបួលមិត្តភក្តិដើរទិញឥវ៉ាន់ជាមួយគ្នាភ្លាម (១ពិន្ទុ)
គ- ប៉ាវសង្សាអោយសប្បាយម្តង (៣ពិន្ទុ)
៨- មិត្តភក្តិនិងសង្សាអ្នកទាស់គ្នា អ្នកនឹង៖
ក- ជួយប្រកែកជាមួយអ្នកណាដែលមានហេតុផលសមរម្យជាង (១ពិន្ទុ)
ខ- ទុកអោយគេទាំង២ព្រលះគ្នាចុះ អ្នកសុំដកខ្លួនចេញហើយ (២ពិន្ទុ)
គ- ជួយសង្សាដាក់សម្ពាធលើមិត្តភក្តិ មិត្តម្នាក់ឈប់រាប់អានក៏មិនអីដែរ (៣ពិន្ទុ)
៩- ថ្ងៃនេះ អ្នក និងសង្សាព្រមទាំងមិត្តភក្តិអ្នកទៅដើរលេងជុំគ្នា។ មិត្តភក្តិអ្នកចង់ញ៉ាំអាហារជប៉ុន តែសង្សាអ្នកចង់ញ៉ាំភីហ្សា អ្នកនឹង៖
ក- ញ៉ាំអាហារជប៉ុនទៅ តាមពេលក្រោយចាំញ៉ាំភីហ្សាតែ២នាក់សង្សា (១ពិន្ទុ)
ខ- សង្សាខ្ញុំមានរសនិយមល្អ ញ៉ាំតាមគាត់ចុះ (២ពិន្ទុ)
គ- អោយគេទាំង២នាក់សំរេចចុះ អ្នកចាំតែញ៉ាំល្អជាង (២ពិន្ទុ)
១០- មិត្តភក្តិអ្នកត្រូវទៅចូលរួមពិធីជប់លៀង ហើយក៏មកខ្ចីអាវស្អាតដែលសង្សាអ្នកទើបនឹងទិញអោយថ្មីៗ អ្នកនឹង៖
ក- មិនអោយទេ ខ្ញុំស្រលាញ់ណាស់ (៣ពិន្ទុ)
ខ- មានអី ប៉ុន្តែត្រូវបោកអ៊ុតអោយស្អាតមុននឹងយកមកសងវិញ (១ពិន្ទុ)
គ- សម្តែងការមិនពេញចិត្តដើម្បីមិត្តភក្តិប្តូរចិត្តឈប់ខ្ចី (២ពិន្ទុ)
១០ ទៅ ១២ពិន្ទុ
បើអ្នកត្រូវជ្រើសរើសរវាងមិត្តភក្តិនិងសង្សា យ៉ាងណាៗអ្នកក៏ជ្រើសរើសយកមិត្តភក្តិមុន ព្រោះអ្នកនិងមិត្តភក្តិបានឆ្លងកាត់ពេលវេលាទាំងសុខទាំងទុក្ខមកជាមួយគ្នាយូរមកហើយ ប៉ុន្តែសង្សាវិញអ្នកមិនទាន់ប្រាកដចិត្តទេ រឿងអីអោយអ្នកមកបោះបង់ចោលក្លើ ទៅមិនរួចទេ! ។
១៣ ទៅ ២២ពិន្ទុ
អ្នកគិតថាមិត្តភក្តិនិងសង្សាមានសារៈសំខាន់ប្រហាក់ប្រហែលគ្នា ដូច្នេះបានជាអ្នកធ្វើខ្លួនអោយនៅចំកណ្តាលបំផុតដើម្បីកុំអោយមនុស្សដែលអ្នកស្រលាញ់ទាំង២អាក់អន់ចិត្ត។ ដោយសារតែអ្នកធ្វើខ្លួនល្អបែបនេះទើបអ្នកអាចរក្សាបានតាំងមិត្តភក្តិទាំងសង្សា។
២៣ ទៅ ៣០ពិន្ទុ្
អ្នកជាមនុស្សដែលផ្តល់សារៈសំខាន់ចំពោះស្នេហា ចំពោះរឿងមិត្តភក្តិជារឿងសំខាន់ទី២ ឬអាចនិយាយបានថាមិត្តភក្តិគ្រាន់តែជាតួរង។
(ដកស្រង់ពីប្រជាប្រិយលេខ ៥០៧)
2. តើអ្នកដទៃគិតយ៉ាងណាចំពោះអ្នក?
១- តើនៅពេលណាដែលអ្នកមានអារម្មណ៍ល្អនិងមានសេចក្តីសុខបំផុត?
ក- ពេលយប់ជ្រៅ (៦ពិន្ទុ)
ខ- ពេលថ្ងៃ និងពេលល្ងាច (ព្រលប់ៗ) (៤ពិន្ទុ)
គ- ពេលព្រឹក (២ពិន្ទុ)
២- តាមធម្មតាអ្នកដើរដំណើរបែបណា?
ក- ដើរលឿនតែឈានខ្លីៗ (៤ពិន្ទុ)
ខ- ដើរលឿន ឈានវែងៗ (៦ពិន្ទុ)
គ- ដើរបេបយឺតៗ បែបសង់ទីម៉ង់ (១ពិន្ទុ)
ឃ- ដើរមិនសូវលឿន ឱនមុខរហូត (២ពិន្ទុ)
ង- ដើរមិនសូវលឿន មុខត្រង់ ភ្នែកសំលឹងជុំវិញ (៧ពិន្ទុ)
៣- ពេលនិយាយជាមួយអ្នកដទៃ អ្នកច្រើនធ្វើកាយវិការយ៉ាងណា?
ក- ច្រត់ចង្កេះ (៥ពិន្ទុ)
ខ- ឈរអោបដៃ (២ពិន្ទុ)
គ- ឈរអោបដើមទ្រូង (៤ពិន្ទុ)
ឃ- ឧស្សាហ៍យកដៃប៉ះអ្នកដែលនិយាយជាមួយខ្លួន (៧ពិន្ទុ)
ង- យកដៃអង្អែលត្រចៀក ចង្កាខ្លួនឯង លេងសក់ខ្លួនឯងហាក់ដូចជានៅមិនសុខ (៦ពិន្ទុ)
៤- ឥរិយាបថអង្គុយរបស់អ្នកយ៉ាងដូចម្តេច?
ក- អង្គុយសណ្តូកជើងត្រង់ (២ពិន្ទុ)
ខ- អង្គុយគងអន្ទាក់ខ្លា (៦ពិន្ទុ)
គ- អង្គុយសង្កត់ជើងខ្លួនឯងម្ខាង (១ពិន្ទុ)
ឃ- អង្គុយបត់ជើងផ្អៀងទៅខាងណាមួយ (៤ពិន្ទុ)
៥- នៅពេលដែលអ្នកមានអារម្មណ៍សប្បាយរីករាយ អ្នកតែងតែសំដែងចេញយ៉ាងដូចម្តេច?
ក- សើចខ្លាំងៗដោយមិនខ្លាចក្រែងចិត្តគេ (៦ពិន្ទុ)
ខ- សើចតែមិនខ្លាំងណាស់ណាទេ (៤ពិន្ទុ)
គ- សើចហ៊ឹះៗនៅដើមក (៣ពិន្ទុ)
ឃ- ញញឹមបែបអៀនៗ (៥ពិន្ទុ)
៦- ពេលទៅពិធីជប់លៀងម្តងៗ អ្នកចូលចិត្តបង្ហាញខ្លួនអោយគេឃើញបែបណា?
ក- ដើរចូលទៅស្ងៀមស្ងាត់បំផុត ព្យាយាមធ្វើយ៉ាងណាមិនអោយគេចាប់អារម្មណ៍ (២ពិន្ទុ)
ខ- ដើរចូលទៅធម្មតាៗ តែទោះជាយ៉ាងណាចូលទៅស្ងាត់ៗល្អជាង។ រួចរកមើលអ្នកស្គាល់គ្នាភ្លាម (៤ពិន្ទុ)
គ- តែងខ្លួនអោយស្អាតហើយត្រូវដើរចូលទៅ អោយស្វាហាប់ អោយទៅជាចំណាប់អារម្មណ៍របស់ភ្ញៀវគ្រប់គ្នា (៦ពិន្ទុ)
៧- អ្នកកំពុងតែធ្វើការយ៉ាងផ្ចិតផ្ចង់ ស្រាប់តែមានគេមករំខាន តើអ្នកមានអារម្មណ៍យ៉ាងដូចម្តេច?
ក- ធម្មតាៗ មិនចាប់អារម្មណ៍ (៦ពិន្ទុ)
ខ- ម៉ួម៉ៅតិចតួចដែរ (៤ពិន្ទុ)
គ- ម៉ួម៉ៅក្តៅក្រហាយភ្លាម (២ពិន្ទុ)
៨- តើអ្នកចូលចិត្តពណ៌អ្វីជាងគេ?
ក- ពណ៌លឿងឬផ្ទៃមេឃខ្ចី (៥ពិន្ទុ)
ខ- ពណ៌ត្នោតឬប្រផេះ (១ពិន្ទុ)
គ- ពណ៌ក្រហមឬទឹកក្រូច (៦ពិន្ទុ)
ឃ- ពណ៌បៃតង (៤ពិន្ទុ)
ង- ពណ៌ផ្ទៃមេឃចាស់ឬស្វាយ (៣ពិន្ទុ)
ច- ពណ៌ស (២ពិន្ទុ)
៩- ពេលយប់អ្នកច្រើនតែដេកឥរិយាបថបែបណា?
ក- ដេកសណ្តូកខ្លួន មុខមើលមកពោះ (៦ពិន្ទុ)
ខ- ដេកសណ្តូកខ្លួនត្រង់ (៧ពិន្ទុ)
គ- ដេកផ្អៀងមកម្ខាង (៤ពិន្ទុ)
ឃ- ដេកយកក្បាលសង្កត់ដៃម្ខាង (២ពិន្ទុ)
ង- ដេកទទូរភួយ (១ពិន្ទុ)
១០- ពេលដេក អ្នកច្រើនតែយល់សប្តិឃើញអ្វី?
ក- យល់សប្តិឃើញតែរឿងល្អៗ (១ពិន្ទុ)
ខ- យល់សប្តិមិនសូវល្អ (៤ពិន្ទុ)
គ- យល់សប្តិឃើញកំពុងតែស្វែងរកនរណាម្នាកើររបស់អ្វីមួយ (៣ពិន្ទុ)
ឃ- យល់សប្តិឃើញហោះ ឬកំពុងហោះហើរលើមេឃ (៥ពិន្ទុ)
ង- យល់សប្តិឃើញកំពុងតែប្រយុទ្ធគ្នា (២ពិន្ទុ)
ច- មិនសូវយល់សប្តិទេ (៦ពិន្ទុ)
៦១ ពិន្ទុឡើងទៅ
អ្នកដទៃមើលមកថាអ្នកជាមនុស្សអាត្មានិយម ជាមនុស្សខុសគេខុសឯង ធ្វើអោយគេមានអារម្មណ៍ថាការនៅជាមួយអ្នក គេត្រូវប្រយ័ត្នខ្លយនជានិច្ច។ ជាមួយគ្នានេះដែរក៏មានមនុស្សជាច្រើនចូលចិត្តអ្នក ចង់ធ្វើជាមិត្តនឹងអ្នក ប៉ុន្តែគេមិនទុកចិត្តអ្នកនិងមានករស្ទាក់ស្ទើរក្នុងការចង់មិត្តភាពជាមួយអ្នក។
៥១ – ៦០ ពិន្ទុ
អ្នកដទៃមើលមកថាអ្នកជាមនុស្សមានអារម្មណ៍ប្រែប្រួលចុះឡើងៗរហូតធ្វើអ្វីមួយមិនសូវពិចារណាច្រើន ប៉ុន្តែពេលខ្លះការដែលនៅក្បែរអ្នកក៏គួរអោយរំភើបដែរ។ អ្នកមានភាពជាមេដឹកនាំពីធម្មជាតិ ធ្វើការសំរេចចិត្តឆាប់រហ័សដូចផ្លេកបន្ទោរ ប៉ុន្តែមិនមែនត្រូវទាំងអស់នោះទេ។ ចំណុចល្អដែលគេមើលមកឃើញ គឺអ្នកជាមនុស្សក្លាហាន ហ៊ានស៊ីហ៊ានសង មិនបណ្តោយឱកាសអោយរបូតពីដៃងាយៗទេ ហើយអ្នកក៏ចូលចិត្តធ្វើការដែលប្រកបដោយគ្រោះថ្នាក់ដែរ។
៤១ – ៥០ ពិន្ទុ
អ្នកដទៃមើលមកថាអ្នកគឺជាមនុស្ស ដែលមើលទៅគួរអោយចាប់អារម្មណ៍ជាខ្លាំង រួសរាយ ស្រស់ស្រាយ ទើបមិនជាការចំលែកឡើយដែលមនុស្សនៅជុំវិញខ្លួនចាប់អារម្មណ៍មកលើអ្នក។ ក្រៅពីនេះអ្នកដទៃក៏មើលមកថាអ្នកចិត្តល្អ ចេះក្រែងចិត្តអ្នកដទៃ និងមានការយល់ចិត្ត យល់ថ្លើមអ្នកដទៃ។ មានចិត្តសប្បុរសជួយអ្នកដទៃជានិច្ច ចរិតបេបនេះសក្តិសមជាតួឯកក្នុងខ្សែភាពយន្តមែន។
៣១ – ៤០ ពិន្ទុ
អ្នកដទៃមើលមកថាអ្នកជាមនុស្សគិតច្រើន ប៉ុន្តែចំណុចល្អគឺហ្មត់ចត់ ឆ្លាតវៃមានទេពកោសល្យ អ្នកមើលទៅជាមនុស្សសុភាពរាបសារ ប៉ុន្តែមិនមែនជាមនុស្សដែលនឹងមានមិត្តភក្តិបានងាយៗឡើយ អ្នកចាំបាច់ត្រូវប្រើមូលហេតុយ៉ាងច្រើននិងប្រើពេលយ៉ាងយូរ ទម្រាំតែសម្រេចចិត្តទទួលអ្នកណាម្នាក់មកធ្វើជាមិត្តភក្តិ។ យ៉ាងណាក៏ដោយអ្នកណាដែលបានមកធ្វើជាមិត្តភក្តិនឹងអ្នករាប់ថាជាសំណាងតែម្តង ពីព្រោះអ្នកមានភាពស្មោះត្រង់ចំពោះមិត្តភក្តិណាស់ ហើយស្របពេលជាមួយគ្នានេះដែរអ្នកក៏រំពឹងថាមិត្តភក្តិរបស់អ្នកក៏ស្មោះត្រង់ចំពោះអ្នកដែរ។ រឿងសង្សាក៏ដូចគ្នាដែរប្រសិនបើសម្ពន្ធភាពនោះមិនទទួលបានជោគជ័យទេ អ្នកច្បាស់ជានឹងប្រើពេលយូរដើម្បីផ្សះផ្សារអារម្មណ៍និងដំបៅវចិត្ត។
២១ – ៣០ ពិន្ទុ
អ្នកដទៃមើលមកថាអ្នកគឺជាមនុស្សឧស្សាហ៍ព្យាយាម ប៉ុន្តែដូចជាសូញសាញបន្តិច មិនតែប៉ុណ្ណោះ ថែមទាំងជាមនុស្សប្រយ័ត្នប្រយ៉ែងខ្ពស់ទាល់តែធ្វើអ្វីមួយយឺតៗ ចង់ចាប់ផ្តើមធ្វើអ្វីក៏យកដៃគងថ្ងាសគិតហើយគិតទៀត។ ប៉ុន្តែចំណុចល្អដែលអ្នកដទៃមើលមកឃើញគឺអ្នកជាមនុស្សអំណត់ព្យាយាមខ្ពស់ណាស់។
បានក្រោម២១ ពិន្ទុ
អ្នកដទៃមើលមកថាអ្នកគឺជាមនុស្សពូកែខ្លាចមិនហ៊ានសំរេចចិត្ត ជាមនុស្សដែលមិនអាចនៅម្នាក់ឯង ត្រូវការការថែទាំ គ្រប់គ្រងពីអ្នកដទៃរហូត អាចនិយាយបានថាជាមនុស្សដែលត្រូវការអោយអ្នកដទៃសំរេចចិត្តជំនួសខ្លួនរហូត។ ចំពោះមិត្តភក្តិដែលស្គាល់គ្នាច្បាស់ក៏អាចទទួលបាន និងសុខចិត្តនៅខាងអ្នកព្រោះអ្នកជាមនុស្សមានទឹកចិត្ត។
3. អ្នកជានារីពូកែប្រច័ណ្ឌប៉ុនណា?
Phnom Penh Time
គេហទំព័រ: ក្រុមនិស្សិតនៃសាកលវិទ្យាល័យភូមិន្ទភ្នំពេញ ផ្នែកព័ត៏មានវិទ្យា (Freshman) ជំនាន់ទី ១៦ បន្ទប់A5 
You must be logged in to post a comment.