១。៧ចំណុច គួរយល់ដឹងក្នុងការបរិភោគអាហារ
-
១- បណ្តូលរុក្ខជាតិ ឬបន្លែគ្រប់ប្រភេទ ជាកន្លែងដែលផ្ទុកទៅដោយសារធាតុពុល ដូចនេះពុំគួរបរិភោគវាឡើយ ។ ២- ស្ត្រីទើបដែលសំរាលកូន ពុំគួរទទួលទានខ្ទឹមបារាំងទេ ព្រោះអាចធ្វើអោយគ្មានទឹកដោះ ឬបើមានក៏ទឹកដោះ នឹងមានរសជាតិប្រហាត ធ្វើអោយទារកមិនចង់បៅ ។ ៣- ស្លឹកចាព្លូ មានប្រយោជន៍ ក្នុងការសម្រកជាតិស្ករ ខ្លាញ់ សម្ពាធឈាម និងព្យាបាលអាការក្អករ៉ាំរ៉ៃ ប៉ុន្តែពុំគួរបរិភោគលើស ១០សន្លឺក ក្នុង១ថ្ងៃឡើយ។ ៤- ចំពោះអ្នកដែលអាយុក្រោម ៤០ឆ្នាំ ត្រសក់អាចជួយការពារបានយ៉ាងល្អ មិនអោយកើតជំងឺមហារីក ប៉ុន្តែចាប់ពីអាយុ ៤០ឆ្នាំឡើង គួរកាត់បន្តយការទទួលទានត្រសក់ ព្រោះវាបង្ករអោយកើតជំងឺរលាកសន្លាក់ឆ្អឹង។ ៥- ទឹកសណ្តែក ជាភេសជ្ផៈសម្បូរសារធាតុអាហារយ៉ាងច្រើន ប៉ុន្តែមិនគួរកម្តៅលើភ្លើង អោយលើសពី២ដងឡើង ព្រោះការកម្តៅនៅលើកទី ២ នឹងបណ្តាលអោយសារធាតុអាហារ រលាយខូចខាតអស់ ។ ៦- ខ្ទឹម-ស ស្រស់អាចបណ្តាលអោយក្រពះ មានអាការក្រហាយ ។ដូច្នេះពុំគួរបរិភោគវា ក្នុងរយៈពេលជាប់ៗគ្នា លើសពី៩០ថ្ងៃឡើយ ពិសេសពេលក្រពះទំនេរ គ្មានអាហារ។បើបរិភោគបាន ៩០ថ្ងៃ ហើយគួរផ្អាក ១៥ថ្ងៃសិនចាប់ផ្តើមបរិភោគជាថ្មី ។ ៧- ក្ទម្ពទេស (អ្នកខ្លះ ហៅថាទុំទេស ឬក្រះធំថេត) មានសារធាតុមីណូលស៊ីន ធ្វើអោយសរសៃសក់ជ្រុះ ដូច្នេះពុំគួរបរិភោគច្រើនពេកទេ ៕
២。វិធីបោកគក់ខោអាវ អោយអស់មេរោគ
-
ក្នុងការបោកគក់ខោអាវ ស្ត្រីមេផ្ទះភាគច្រើន តែងបោកគក់ដោយដៃ និងប្រើទឹកធម្មតា តែសម្រាប់អ្នកដែលមានធនធានគួរសម អាចបោកគក់ដោយប្រើម៉ាស៊ីន ដែលងាយស្រួលជាង ការបោកគក់ដោយដៃ ។
តាមការស្រាវជ្រាវ របស់សាកលវិទ្យាល័យ សេអ៊ូល ប្រទេសកូរ៉េខាងត្បូង បានអោយដឹងថា សម្រាប់អ្នកដែលមានប្រតិកម្មចាញ់ល្អងធូលី ឬរោមសត្វជាដើមនោះ គួរបោកខោអាវ ដោយទឹកក្តៅ ៦០អង្សា ដើម្បីកម្ចាត់មូលហេតុដែលនាំអោយកើត អាការប្រតិកម្ម ។ប៉ុន្តែ ដើម្បីថ្នមសាច់ក្រណាត់ គឺក្រោយពីបោកគក់ដោយប្រើកម្តៅ ៣០-៦០អង្សាហើយ ត្រូវបោកគក់ដោយដៃ ក្នុងទឹកស្អាតធម្មតា ម្តងទៀង ទើបសម្លៀកបំពាក់ អស់មេរោគ ៕
៣。ញ៉ាំបែបណា មិនកើតជំងឺទឹកនោមផ្អែម ?
-
ចម្លើយ：តាមការស្រាវជ្រាវ អោយដឹងថា មនុស្សដែលទទួលទានអាហារប្រភេទម្សៅ និងស្ករច្រើនមានអត្រាប្រឈមនឹង ការកើតជំងឺទឹកនោមផ្អែម បន្ថែមឡើង២៨% ខណៈដែលមនុស្សដែលទទួលទាននំប៉័ងធ្វើពីម្សៅ ខាត់អោយស គុយទាវ បាយ អង្ករសម្រឹត ដែលខាត់អោយស ឬអាហារប្រភេទម្សៅខាត់អោយស មានអត្រាប្រឈមនឹងជំងឺទឹកនោមផ្អែម បន្ថែមឡើង ៧៨%។
ដូច្នេះ ដើម្បីបន្ថយអត្រាប្រឈម នឹងជំងឺទឹកនោមផ្អែម អ្នកទាំងឡាយ ត្រូវផ្លាស់ប្តូទម្លាប់ទទួលទានដូចតទៅនេះ :
- ជំនូសអោយការទទួលទាន នំប៉័ង គុយទាវ មី បាយ ដែលធ្វើពីអង្ករ ឬម្សៅដែលខាត់អោយសនោះ គួរទទួលទានប្រភេទដែលធ្វើពីអង្ករ ឬម្សៅធម្មតា ដែលមិនបានឆ្លងកាត់ការសម្រឹត ឬខាត់អោយស ហើយត្រូវទទួលទានជាមួយ បន្លែ ផ្លែឈើ ដែលមិនផ្អែមខ្លាំង ដើម្បីអោយជាតិកាកសរសៃ (Fiber) ចូលទៅរារាំងការបឺត ស្រូបយកជាតិស្ករ ។
- ផ្អាកទទួលទានផ្លែឈើ ដែលមានរសជាតិផ្អែមខ្លាំង ដូចជាទុរេន ,មៀន, គូលែន,ឡុងកុង ។ល។
- ទទួលទាន អាហារប្រភេទសណ្តែកអោយបានច្រើន ដូចជា សណ្តែកដី សណ្តែកខៀវ …ព្រោះសណ្តែក មានជាតិកាកសរសៃអាហារ (Fiber) ប្រភេទរលាយ ក្នុងទឹកខ្ពស់ ជួយអោយការបឺតស្រូវជាតិស្ករ យឺតឡើង ។
- ព្យាយាមហាត់ប្រាណជាប្រចាំ ដើម្បីអោយរាងកាយ ធ្វើការដុតបំផ្លាញ ថាមពល បានល្អឡើង ៕
៤。ផ្លែឈើពណ៌លឿង ប្រឆាំងមហារីក
-
នៅក្នុងផ្លែឈើពណ៌លឿង ឬលឿងចាស់ត្រូវបានរកឃើញថា -មានបេតាខារូទីន (Beta-Carotine) ដែលជាសារធាតុប្រឆាំងរ៉ាឌីកាល់សេរី ទប់ស្កាត់ការកើតមហារីក ។ពិសេស ផ្លែឈើដែលមានបេតាខារូទីន ខ្ពស់បំផុត ដូចជាល្អុងទុំ ស្វាយព្រំសែន ចេកពងមាន់ ប៉េងប៉ោះក្រហម ស្វាយទុំ ផ្លែខេតាលូប មាក់ប្រាងផ្អែម ម្នាស់ទឹកឃ្មុំ …។
ដូច្នេះ អ្នកគួរព្យាយាម ទទួលទានផ្លែឈើទាំងនេះ អោយបានញឹកញាប់…។
៥。ថ្នាំពេទ្យ អាចអោយមនុស្សស្លាប់បាន
-
ក្រុមអ្នកជំនាញផ្នែកសុខភាព និងឱសថ នៃមន្ទីរពេទ្យ (Greifwalk) របស់អាល្លឺម៉ង់ លោកស្រីឱសថការី ធេត្រា ធើរម៉ានន៍ អោយដឹងថា ៥% នៃអ្នកជំងឺបណ្តាលមកពីការប្រើប្រាស់ថ្នាំ ។ចំណែកស្ថាប័នឱសថ និងផលលិតផលថ្នាំពេទ្យ របស់ប្រទេសអាល្លឺម៉ង់ បានអះអាងដូចគ្នានេះដែរ ហើយថា មានអ្នកជំងឺបណ្តាលមកពីការប្រើប្រាស់ថ្នាំ ។ ចំណែកស្ថាប័នឩសថ និងផលិតផលថ្នាំពេទ្យ របស់ប្រទេសអាល្លឺម៉ង់ ក៏បានអះអាងដូចគ្នានេះដែរ ហើយថាមានអ្នជំងឺបណ្តាលមកពីការប្រើ ប្រាស់ថ្នាំក្នុង១ឆ្នាំងៗប្រហែល ៣០០.០០០នាក់ ។
លោកវេជ្ផៈបណ្ឌិត ហ្គ្រេដ ហ្គេសហ្គើរ អ្នកពិសោធន៍ផ្នែកសុខភាព នៅក្រុង ប្រ៊ីមែនបានអោយដឹងថា ក្នុង១ឆ្នាំ មានអ្នកបាត់បង់ជីវិត ដោយសារផលប៉ះពាល់ពីថ្នាំពេទ្យ ប្រហែល ១៦000 -២៥000នាក់។ ថ្នាំពេទ្យគ្រប់ប្រភេទ ដែលមនុស្សយើង លេបចូលទៅអាចបង្កផលប៉ះពាល់ដល់សុខភាពបាន គឺមាន២នាក់ ក្នុងចំណោម៣នាក់ នៃអ្នកជំងឺនៅមន្ទីរពេទ្យ មានចេញឈាមក្នុងក្រពះ និងធ្វើអោយរលាកក្រពះ បណ្តាលមកពីថ្នាំព្យាបាល អាការឈឺចុកចាប់ ឬការបន្ថយជាតិស្ករ ដោយលេបថ្នាំព្យាបាល អាការឈឺចុកចាប់ ឬការបន្ថយជាតិស្ករ ដោយលេបថ្នាំសម្រាប់ អ្នកជំងឺទឹកនោមផ្អែម ឬជំងឺសរសៃឈាម និងបេះដូង រួមទាំងការ ប្រើថ្នាំ នៃមនុស្សចាស់ជរា ដែលមានជំងឺលើសឈាម កម្រិតកូលេស្តេរ៉ូលខ្ពស់ និងជំងឺវង្វេងវង្វាន់ផងដែរ ។
៦。ហេតុអ្វីត្រូវញ៉ាំទឹកពេលព្រឹកព្រលឹម?
ទឹក ជាសារធាតុចាំបាច់បំផុតដែលមិនអាចខ្វះបានសម្រាប់ជីវិតមនុស្ស សត្វ និងរុក្ខជាតិ។ គ្មានទឹក ភាវរស់ទាំងពួងនឹងស្លាប់បាត់បង់ជីវិតជាមិនខាន។ បើនិយាយពីទឹកចំពោះមនុស្សវិញ វាផ្ដល់អត្ថប្រយោជន៍យ៉ាងធំធេងដល់សុខភាព ដូចជាជួយព្យាបាលជំងឺឈឺក្បាល បេះដូង សន្លាក់ តម្រងនោម ក្អួតចង្អោរ ទឹកនោមផ្អែម ជំងឺភ្នែក និងរដូវមិនទៀងជាដើម។ ជាពិសេស បើអ្នកទទួលទានវាពេលព្រឹកបន្ទាប់ពីភ្ញាក់ពីដំណេកតែម្ដង នោះសុខភាពអ្នកកាន់តែល្អប្រសើរជាមិនខាន។ សួរថា ហេតុអ្វីអ្នកត្រូវញ៉ាំទឹកពេលព្រឹក បន្ទាប់ពីភ្ញាក់ដំណេកអីចឹង?
១. បន្សាបអាស៊ីតក្នុងក្រពះ
ថ្វីបើអ្នកគេងពេលយប់ (៧-៨ម៉ោង) មិនមែនមានន័យថា គ្រឿងក្នុង ក្នុងរាងកាយអ្នកមិនធ្វើការនោះទេ គឺពួកវាធ្វើការមិនចេះឈប់នោះឡើយ។ ជាក់ស្ដែង ពេលអ្នកគេង ក្រពះអ្នកនៅតែដំណើរការកិនអាហារដដែល។ គ្មានជាតិទឹក និងកិនអាហាររយៈពេល ៧ ទៅ ៨ ម៉ោង ច្បាស់ណាស់ ក្រពះអ្នកប្រាកដជាមានជាតិអាស៊ីតជាមិនខាន។ ជាតិអាស៊ីតនេះយូរៗទៅ ធ្វើឲ្យអ្នកមានអាការៈឈឺក្រពះ និងក្អួតចង្អោរ។ ដូច្នេះ ទទួលទានទឹកបន្ទាប់ពីភ្ញាក់ពីដំណេក ពិតជាជួយបន្សាបជាតិអាស៊ីតក្រពះបានមែន។
២. រក្សាសុខភាពស្បែក
សុខភាពស្បែកល្អ អាស្រ័យលើសុខភាពក្នុងរាងកាយយើងល្អប៉ុណ្ណាដែរ។ ទទួលទានទឹកពេកព្រឹក វានឹងបន្សាបជាតិពុលទាំងអស់ក្នុងឈាម។ ដូច្នេះ សុខភាពស្បែកកាន់ល្អប្រសើរមានសំណើមផងដែរ។
៣. បន្ថយទម្ងន់
ទទួលទានទឹកពេលព្រឹក វាជួយជំរុញដល់ការដុតរំលាយអាហារក្នុងរាងកាយ។ ម្យ៉ាងទៀត បន្ទាប់ពីទទួលទានហើយ វាអាចកាត់បន្ថយចំណង់អាហាររបស់អ្នក ដែលប្រការនេះ អ្នកអាចសម្រេចគោលបំណងបន្ថយទម្ងន់បាន។
៤. ការពារជំងឺផ្សេងៗ
ការកើនឡើងនៃជាតិពុលក្នុងឈាម ឬរាងកាយដែលបណ្ដាលមកពីរបបអាហារមានជាតិគីមី និងដំណកដង្ហើមជាមួយនឹងបរិយាកាសផ្សេងពុល ធ្វើឲ្យអ្នកមិនស្រួលខ្លួន និងឈឺក្បាល។ ដូច្នេះ ញ៉ាំទឹកបន្ទាប់ពីភ្ញាក់ពីដំណេកភ្លាម ដើម្បីលាងជម្រះជាតិពុលទាំងអស់ និងមានអារម្មណ៍ស្រស់ថ្លា។ លើសពីនេះ វាជួយរក្សាខ្លាញ់តាមសន្លាក់ឆ្អឹងដែលបង្ការអ្នកមិនឲ្យមានបញ្ហាឈឺសន្លាក់ ពេលមានវ័យចាស់ជរាបន្តិច។
វិធីទទួលទាន៖
១. បន្ទាប់ពីភ្ញាក់ពីគេង កុំទាន់អាលដុសសំអាតធ្មេញ គឺត្រូវញ៉ាំទឹកយ៉ាងហោចណាស់ ៣ ឬ៤កែវ (កន្លះលីត្រ) សិន។
២. បន្ទាប់មក ដុសធ្មេញ និងរង់ចាំរយៈពេល ៤៥ នាទីសិន ចាំទទួលទានអាហារពេលព្រឹក។
៣. បន្ទាប់ពីទទួលទានអាហារពេលព្រឹក ថ្ងៃត្រង់ និងល្ងាច កុំទាន់អាលទទួលទានអ្វីទាំងអស់ក្នុងរយៈពេល ២ ម៉ោង។
៤. ចំពោះមនុស្សចាស់ជរា ឬអ្នកជំងឺមិនអាចទទួលម្ដង ៣ ឬ៤ កែវ អ្នកអាចទទួលទានបន្តិចម្ដងៗ រហូតដល់បាន ៤ កែវក្នុងមួយថ្ងៃ។
ប្រសិទ្ធភាពព្យាបាលជំងឺផ្សេងៗ៖
១. លើសឈាម (សម្ពាធឈាមខ្ពស់) ក្នុងរយៈពេល ៣០ ថ្ងៃ
២. រលាកក្រពះក្នុងរយៈពេល ១០ ថ្ងៃ
៣. ទឹកនោមផ្អែម ក្នុងរយៈពេល ៣០ ថ្ងៃ
៤. រោគទល់លាមកក្នុងរយៈពេល ១០ ថ្ងៃ
៥. របេងក្នុងរយៈពេល ៩០ ថ្ងៃ
ចំណាំ៖ ទឹកគួរបរិភោគ អាចទឹកបរិសុទ្ធ ទឹកក្ដៅអ៊ុនៗ ប៉ុន្តែបើមានជាតិរ៉ែខ្ពស់ កាន់តែប្រសើរ៕
ប្រែសម្រួល៖ សុផាត ប្រភព៖ pyroenergen, livestrong, water.ygoy.com
៧。មិនហាត់ប្រាណ ក៏គ្រោះថ្នាក់ដូចជក់បារីដែរ
ការសិក្សាថ្មីមួយបានបង្ហាញថា កង្វះការធ្វើលំហាត់ប្រាណអាចបណ្ដាលឲ្យមានគ្រោះថ្នាក់ដល់អាយុជីវិតដូចជាការជក់បារីដែរ។
របាយការណ៍មួយដែលចុះផ្សាយក្នុងទិនានុប្បវត្តិ Lancet បានវាយតម្លៃថា ប្រហែលមួយភាគបីនៃមនុស្សពេញវ័យដែលមិនបានហាត់ប្រាណគ្រប់គ្រាន់បានស្លាប់ក្នុងមួយឆ្នាំៗ ៥,៣ លាននាក់ទូទាំងពិភពលោក។
ករណីនេះស្មើនឹងចំនួនមនុស្សម្នាក់ក្នុងចំណោម ១០ នាក់ដែលស្លាប់ដោយសារជំងឺមួយចំនួនដូចជា ជំងឺបេះដូង ទឹកនោមផ្អែម មហារីកដោះ និងពោះវៀនធំ។
ក្រុមអ្នកស្រាវជ្រាវដដែលបាននិយាយថា បញ្ហានេះកាន់តែអាក្រក់ឡើង ដែលយើងអាចចាត់ទុកថាដូចជាជំងឺឆ្លងដែលកើតមានគ្រប់ទីកន្លែងបាន។
ចំពោះដំណោះស្រាយវិញ ក្រុមអ្នកស្រាវជ្រាវបានស្នើឲ្យមានវិធីសាស្ត្រផ្សព្វផ្សាយថ្មីដើម្បីកែប្រែការគិតរបស់មនុស្សទូទៅ ពោលសំដៅទៅលើការផ្សព្វផ្សាយពីគ្រោះថ្នាក់នៃការមិនធ្វើលំហាត់ប្រាណជាជាងអត្ថប្រយោជន៍នៃលំហាត់ប្រាណ។
ក្រុមអ្នកស្រាវជ្រាវ ៣៣ នាក់មកពីមណ្ឌលផ្សេងៗគ្នាទូទាំងពិភពលោកបាននិយាយដែរថា រដ្ឋាភិបាលគួររកវិធីណាមួយដែលធ្វើឲ្យការហាត់ប្រាណកាន់តែងាយស្រួល តម្លៃសមស្រប និងសុវត្ថិភាព៕
ប្រែសម្រួល៖ Zac ប្រភព៖ BBC
៨。វិធីទទួលទាន មិនអោយធាត់ដុះពោះ
ពេលអាយុកាន់តែច្រើន ប្រព័ន្ឋដុតបំប្លែង ថាមពលក្នុងរាងកាយ នឹងថមថយកម្លាំង ដូច្នេះ អ្នកត្រូវយកចិត្តទុកដាក់ រឿងចំណីអាហារ បន្តិចដើម្បីអោយឃ្លាតឆ្ងាយ ពីជំងឺធាត់ …។
កំណត់អាហារ និងភេសជ្ផៈ ដែលមានសារធាតុស្ករខ្ពស់ ដូចជាទឹកក្រូច ឬបង្អែម នំផ្អែម ព្រោះនឹងធ្វើអោយទម្ងន់ខ្លូនកើនឡើង ដោយមិនដឹងខ្លួន ។
បន្ថយការទទួលទាន អាហារក្រៅផ្ទះ ជាពិសេសអាហារឆ្អិនស្រាប់ (Fast Food) ព្រោះអាហារប្រភេទនេះ មានសារធាតុខ្លាញ់ច្រើន ជាពិសេស ខ្លាញ់ឆ្អែត ថែមទាំងសម្បូរទៅដោយ កូលេស្តេរ៉ូស (Colesterol) ទៀតផង៕
៩。កង្វះម៉ាញ៉េស្យូម ធ្វើអោយឃ្លានបង្អែម
ចំណង់ញ៉ាំបង្អែម ឬសូកូឡា រឹតតែខ្លាំងនោះ អាចជាសញ្ញាប្រាប់អោយ ដឹងថាសព៌ាង្គកាយ មានកង្វះសារធាតុម៉ាញ៉េស្យូម ។
ដូច្នេះ ដើម្បីបំពេញកង្វះសារធាតុម៉ាញ៉េស្យូម អោយរាងកាយ អ្នកត្រូវបរិភោគ ចំណីអាហារ ដែលមានសារធាតុម៉ាញ៉េស្យូមច្រើន ដូចជា នំប៉័ងហូលវីដ (Whole Wheat), ប៊័រដុំ, ផ្លែឈើសំបករឹង និងសណ្តែកជាដើម ។
ត្រូវដឹងថា សព៌ាង្គកាយមនុស្សយើង ត្រូវការសារធាតុម៉ាញ៉េស្យូម ក្នុង១ថ្ងៃ ៦មីក្រូក្រាម ក្នុងទម្ងន់ខ្លួន ១គីឡូក្រាម ៕
១០。មីកញ្ចប់ កុំពិសារលើសពី ១កញ្ចប់ ក្នុង១ថ្ងៃ
មីកញ្ចប់ ជាអាហារដែលយើងចូលចិត្តញ៉ាំ ដោយសារវាមានរសជាតិឆ្ងាញ់ ងាយស្រួលក្នុងការចម្អិន ។ប៉ុន្តែតាមពិតទៅ បើញ៉ាំវាលើសពីមួយកញ្ចក់ ក្នុង១ថ្ងៃ អាចប៉ះពាល់ដល់សុខភាព ព្រោះមីកញ្ចប់ ភាគច្រើនធ្វើពីម្សៅ អង្ករសាលី ៦០-៧០% រីឯខ្លាញ់ ១៥-២០% (ផ្សំនៅក្នុងគ្រឿង) ចំណែក ៥-៦% ជាអំបិល និងប៊ីចេង ។ដូច្នេះ រាងកាយទទួលបរិមាណសូដ្យូម លើសពីតម្រូវការ រហូតដល់ទៅ ៥០% ទៅ ១០០% ដែលអាចបង្ករគ្រោះថ្នាក់ដល់តម្រងនោម និងធ្វើអោយសម្ពាធឈាម ឡើងខ្ពស់ (លើសឈាម) ទៀតផង ។
វិធីកែខៃ គឺឆុងមី លាយជាមួយពងមាន់ ឬពងទា បន្លែ ឬសាច់ផង ដើម្បីបង្កើនសារធាតុអាហារ និងការពារកុំអោយរាងកាយ ទទួលយកសូដ្យូម ច្រើនហួសហេតុពេក ។ពេលទិញមី គួរជ្រើសយកមីណា ដែលសរសេរផ្លាក នៅកញ្ចប់ថា បន្ថែមសារធាតុអ៊ីយ៉ូដ ជាតិដែក និងវីតាមីន A ។គួរចៀសវាង ទទួលទានមីឆៅ ព្រោះសរសៃវារីកនៅក្នុងក្រពះ អាចនាំអោយឆ្អល់ពោះ ។អ្វីដែលសំខាន់បំផុត គឺមិនគួរញ៉ាំមី លើសពី១កញ្ចប់ ក្នុង១ថ្ងៃឡើយ ។
១១。 ហាត់ប្រាណខ្លាំងពេក ប្រយ័ត្នរលាកប្លោកនោម
ហាត់ប្រាណ គឺមានបំណងចង់អោយសុខភាពល្អ ប៉ុន្តែបើហាត់ប្រាណខ្លាំងជ្រុលពេក ប្រយ័ត្នរលាកប្លោកនោម …។
ស្ត្រីដែលឩស្សាហ៍មានជំងឺប្លោកនោម តែងតែគិតថា មកពីការរួមភេទ ដែលជាដើមហេតុ នាមអោយមេរោគបាក់តេរី ជ្រៀតចូលក្នុងប្រព័ន្ឋផ្លូវនោមបាន ។ ប៉ុន្តែនេះអាចពុំមែនជាហេតុផលពីតឡើយ ។
ការហាត់ប្រាណដោយខុសទំនង ឬហាត់ប្រាណខ្លាំងជ្រុលហួសហេតុពេក ដូចជាការលើករបស់របរធ្ងន់ៗ ជិះកង់មិនត្រឹមត្រូវ អាចបណ្តាលអោយឆ្អឹងខ្នងកោង សង្កត់ទៅលើសរសៃប្រសាទ ដែលគ្រប់គ្រងប្លោកនោម ។ទាំងនេះ នាំអោយប៉ះពាល់ដល់ប្លោកនោម ។លទ្ឋផលគឺមានទឹកនោម នៅសល់ក្នុងប្លោកនោម ដែលជាហេតុ បង្កអោយមេរោគបាក់តេរី រីកធំធាត់ និងបង្ករអោយកើតអាការរលាក ៕
១២。 ការផឹកទឹកដោះគោ ជាមួយហេតុនាំអោយកើតមុន
អ្នកដែលចូលចិត្តផឹកទឹកដោះគោ ជាប់ជាប្រចាំដឹងឬទេថា វាអាចជាមូលហេតុមួយសំខាន់ ដែលធ្វើអោយកើតរោគមុនលើផ្ទៃមុខ ។
ក្រុមអ្នកស្រាវជ្រាវ ប្រចាំនៅសាកលវិទ្យាល័យហាវាត ក្នុងប្រទេសសហរដ្ឋអាមេរិក បានធ្វើការដាស់តឿន ដល់យុវវ័យទាំងស្រីប្រុសថា អោយមានការប្រុងប្រយ័ត្នក្នុងការផឹកទឹកដោះគោ ហើយបើសិនអត់ពុំបាន គួរផឹកអោយតិចចុះ ព្រោះវាអាចជាមូលហេតុ សំខាន់មួយក្នុងការកើតរោគមុន ។
ក្នុងការសាកល្បង កាលពីមុនមកគេបានរកឃើញដែរថា ការទទួលទានស្ករសូកូឡា នឹងដំឡូងបារាំងចៀនស្រួយ នាំអោយកើតរោគឡើងមុនផងដែរ ។
ក្រុមអ្នកស្រាវជ្រាវបាន បញ្ផាក់ថា ក្នុងការសាកល្បងលើក្មេងជំទង់ ដែលអោយពួកគេទទួលទានទឹកដោះគោ ក្នុងមួយថ្ងៃ ៤៧៥សេសេ ក្នុងចំណលមនេះ ស្ទើរតែជាងពាក់កណ្តាលកើតមានអាការៈរោគមុនលើផ្ទៃមុខ ។
ពួកក្រុមអ្នកស្រាវជ្រាវទាំងនេះអះអាងថា ការស្រាវជ្រាវបង្ហាញច្បាស់ថា ទឹកដោះគោមានពាក់ព័ន្ឋនាំអោយកើតរោគមុន ហើយជាពិសេសអ័រម៉ូន លូតលាស់នឹងអ័រម៉ូនភេទក្នុងទឹកដោះគោ វាមានចំណែកសំខាន់ក្នុងការជំរុញ អោយកើតមានមុននេះឡើង ។
១៣。 អាថ៌កំបាំងនៃ ការទទួលទាន ត្រូវដែលជួយ អោយអាយុកាន់តែវែង
វាអាចទៅរួចដែលញ៉ាំអាហារប្រភេទខ្លះជួយ អោយលោកអ្នកកាន់តែមានអាយុវែង ។ជារឿងៗត្រូវគេចាត់ទុកថា “អាហារកំពូល (Super Food)” អាហារទាំងនេះមានលទ្ឋភាព មិនត្រឹមតែជួយប្រយុទ្ឋប្រឆាំងនឹងជំងឺនិង កាត់បន្ថយជាតិខ្លាញ់ និងកូឡេស្តេរ៉ូល ក្នុងខ្លូនរបស់យើងផងដែរ។
រាល់គុណប្រយោជន៍សុខភាព ទាំងអស់នេះ អាចជួយអោយអ្នករស់នៅអាយុកាន់តែវែង កាន់តែមានសុខភាពប្រសើរឡើង ហើយជីវិតកាន់តែពោពេញដោយក្តីរីករាយ។
អាហារកំពូលមួយចំនួនមានផ្ទុកនូវសារធាតុមានឈ្មោះថាអង់ទីអុកស៊ីដង់ (Antioxidants) និងហ្វីតូខីមីខល (Phytochemicals) ដែលសារធាតុទាំងពីរនេះធ្វើការងាររួមគ្នា ដើម្បីប្រយុទ្ឋប្រឆាំងនឹងជំងឺ ហើយជួយបង្កើនអាយុកាន់តែវែង ។
ភាគច្រើននៃអាហារកំពូលបំពេញមុខងារល្អបំផុត នៅពេលអាហារទាំងនេះ ត្រូវបានទទួលទានរួមបញ្ចូលគ្នាជាមួយ នឹងរបបអាហារប្រកបដោយតុល្យភាពដ៏ល្អមួយ ។
អាហារកំពូលទូទៅសម្រាប់បង្កើនអាយុអោយវែង
ប្រភេទត្រីមួយចំនួនផ្ទុកទៅដោយជាតិខ្លាញ់ អំណោយផលដល់សុខភាព ដែលជួយបញ្ចុះជាតិកូឡេស្តេរ៉ូល និងទប់ស្កាត់ជំងឺគាំងបេះដូង ។ អាហារត្រីទាំងនេះក៏អាចកាត់បន្ថយដំណើរធ្លាក់ទឹកចិត្តផងដែរ។
– ត្រីសលម៉ុន (Salmon) ត្រីទ្រូត(ត្រីទឹកសាបម៉្យាងស្រដៀងត្រីព្រួល) និងត្រីស្បៃកា ស្ថិតក្នុងចំណោមជម្រើសកំពូលៗ ។ ត្រីទាំងអស់នេះមានផ្ទុកនូវអាស៊ីតខ្លាញ់អូមេហ្គា-៣(Omega-3)ដ៏មានតម្លៃខាងសុខភាព ។
- ប៉េងប៉ោះ មានតម្លៃខាងសុខភាពណាស់ ព្រោះថាប៉េងប៉ោះមានផ្ទុកនូវសារធាតុលីកូប៉ែន (Lycopene) ដែលជួយប្រយុទ្ឋទៅនឹងពពួករ៉ាឌីកាល់សេរី អាចទៅបំផ្លាញស្បែក និងសរីរាង្គសំខាន់ៗ។លីកូប៉ែនក៏ជួយបង្កើនប្រព័ន្ឋស៊ាំជំងឺផងដែរ។
ការសិក្សាខ្លះបង្ហាញថា វាអាចទប់ស្កាត់ដំណើរវិវឌ្ឍន៍ទៅមុខរបស់ជំងឺដែលកាន់តែធ្ងន់ធ្ងរឡើងមួយចំនួន ហើយការពារប្រឆាំងនឹង ជំងឺមហារីកប្រូស្តាតផងដែរ។
– ប្រូកូលី (Broccoli) ផ្កាស្ពៃស្រដៀងផ្កាខាត់ណា ។ប្រូកូលី អាចត្រូវបានគេចាត់ទុកជាអាហារកំពូលលេខ ១ ។អ្នកជំនាញការជាច្រើនយល់ស្របថា ប្រសិនជាអ្នកអាចញ៉ាំបន្លែតែមួយមុខនោះ ផ្កាប្រូកូលីពណ៌បៃតងនេះ ជាអាហារល្អបំផុតសម្រាប់រាងកាយ អ្នក។ ប្រូកូលី មានផ្ទុកនូវបរិមាណ វីតាមីន C,កាល់ស្យូម និងជាតិសរសៃខ្ពស់ ហើយជួយការបាត់បង់ឆ្អឹងប្រយុទ្ឋនឹងជំងឺ កាត់បន្ថយគ្រោះថ្នាក់ជំងឺបេះដូង ហើយថែមទាំងជួយបង្កើនប្រព៍ន្ឋស៊ាំជំងឺបានទៀត ។
– ខ្ទឹមស ជាអាហារដ៏អស្ចារ្យមួយ ដែលដើរតួនាទីជាអ្នកប្រឆាំងមេរោគដើរតួនាទី ជាអ្នកប្រឆាំងមេរោគដ៏ខ្លាំងក្លាមួយ ដែលអាចកាត់បន្ថយឧកាសរបស់អ្នកពីការកើតផ្តាសាយ និងជំងឺឆ្លងធម្មតាដ៏ទៃទៀត ។ខ្ទឹមសការមានផ្ទុកដោយសារធាតុអង់ទីអ៊ុកស៊ីដង់បែបធម្មជាតិជាច្រើនផងដែរ ។ ខ្ទឹមសស្រស់ៗផ្ទុកអាហារបម្រុងរាងកាយច្រើនបំផុត។ត្រូវដាក់គ្រឿងផ្សំខ្ទឹមសជាមួយនឹងមុខម្ហូប ដែលអ្នកចូលចិត្ត ដើម្បីបង្កើនគុណប្រយោជន័សុខភាពបន្ថែមទៀត ។
អាវ័ន (ស្រូវសាឡឺម៉្យាង) ដូចទៅនឹងធញ្ញជាតិប្រេងប្រភេទផ្សេងៗទៀត សម្បូរទៅដោយជាតិសរសៃ ដែលអាចរលាយ និងមិនអាចរលាយ ។ជាតិសរសៃនេះជួយការពារខ្លួនប្រាណយើងពីជំងឺមហារីកពោះវៀន ។ស្រូវសាឡីមានជាតិសរសៃខ្ពស់នេះ អាចធ្វើអោយយើងមានសភាពផ្អែតរយៈពេលយូរ ជាហេតុជួយដល់ការខិតខំសម្រកទម្ងន់ ។អាវ័នក៏ជួយអោយឆ្អឹងលូតលាស់យ៉ាងរឹងម៉ាំផងដែរ ។
តែបៃតង : ជួយបង្កើនដំណើរការដុតរំលាយអាហារក្នុងរាងកាយ (ជាផលល្អបន្ថែមមួយទៀតសម្រាប់អ្នកព្យាយាមបញ្ចុះទម្ងន់) ប៉ុន្តែក៏ជួយទប់ស្កាត់អុកស៊ីដកម្មរបស់កោសិការនៅក្នុងខ្លួនប្រាណដែរ ។តែបៃតងក៏ត្រូវគេគិតថា ជាអាហារជួយបង្កើនប្រព័ន្ឋស៊ាំជំងឺផងដែរ ។វាសម្បូរទៅដោយសារធាតុអង់ទីអុកស៊ីដង់ និងវីតាមីនមួយចំនួនរួមមានវីតាមីន A,C និង E។ចូរជំនួសការផឹកកាហ្វេក្រោយអាហារពេលល្ងាចរបស់អ្នក ដោយមកផឹកតែបៃតងវិញ ហើយខ្លួនប្រាណរបស់អ្នកនឹងអរគុណអ្នកជាមិនខាន ។
១៤。 ពិសាទឹកផ្លែឈើ ជួយកែអាការឈឺសន្លាក់ឆ្អឹង
តាមលទ្ឋផលពីការស្រាវជ្រាវ របស់ក្រុមអ្នកជំនាញបរទេស ទៅលើអ្នកជំងឺឈឺសន្លាក់ឆ្អឹងឆ្អែង ដោយអោយពិសាទឹកផ្លែឈើ និងទឹកបន្លែ ក្នុង១ថ្ងៃ ១.៥លីត្រ រួមទាំងទឹកសុទ្ឋផង ក្នុងរយៈពេល ១៥ថ្ងៃ រកឃើញថា ការតមអាហារប្រេភេទសាច់ អាចជួយកាត់បន្ថយអាការហើមរលាក និងជួយអោយសន្លាក់ឆ្អឹង ប្រសើរឡើង ប៉ុន្តែត្រូវស្ថិតក្រោមការគ្រប់គ្រង និងសង្កេតពិនិត្យរបស់គ្រូពេទ្យ ។
១៥。 អាហារដែលបរិភោគ បង្កការផ្សងព្រេង កើតរោគបេះដូង
អាហារដែលក្រោយ ការបរិភោគហើយ បង្កគ្រោះថា្នក់បំផុត សម្រាប់ការកើត រោគបេះដូងទាំងនេះដូចជា :
+ គ្រឿងស្រវឹង បង្កអោយសាច់ដុំបេះដូងរីកធំ ធ្វើអោយបេះដូង ប៉ះទង្គិចបន្តបន្ទាប់ រហូតកើតជា រោគជំងឺបេះដូងឡើង ។ចំណែកគ្រឿងភេសជ្ផៈដូចជា តែ កាហ្វេ កាកាវ គ្រឿងភេសជ្ផៈជំនួយកម្លាំង ជំរុញអោយបេះដូងធ្វើការធ្ងន់ធ្ងរ។
+ អាហារដែល មានខ្លាញ់ខ្ពស់ ឬសាច់សត្វជាប់ខ្លាញ់ ដូចជាសាច់ជ្រូក សាច់គោជាប់ខ្លាញ់ គ្រឿងក្នុងសត្វ ស៊ុត ត្រី ខ្យងស្មិត (Oyster) ខ្ទិះនិងស៊ុតក្រហម
+ អាហាររសជាតិប្រៃ មិនសមសម្រាប់ អ្នកកើតរោគបេះដូង បរិភោគទេ ព្រោះវានឹងបង្ករអោយហត់ ដង្ហក់ ហើមខ្លួន។
ក្រុមគ្រូពេទ្យឯកទេសបានអោយដឹងថា អាហារសម្រាប់អ្នកកើត រោគបេះដូងត្រូវកាត់បន្ថយ រសជាតិប្រៃ គ្រប់ប្រភេទ ក្រៅពីនេះត្រូវកាត់បន្ថយគ្រឿងគ្រៅ ពេលចម្អិនផងដូចជា កាពិ ទឹកត្រី អំបិល ទឹកស៊ីអ៊ីវ ប្រេងខ្យង ទឹកជ្រលក់ប៉េងប៉ោះ និងទឹកសៀង ។ជាមួយគ្នានេះ ត្រូវផ្អាកអាហារ ប្រភេទជ្រក់ អាហារកំប៉ុង អាហារស្រាប់ (មីកញ្ចប់) បង្គាស្ងួត ត្រីប្រៃ ។
+ ផ្អាកអាហារផ្អែម ជាពិសេសដែល សម្បូរទៅដោយស្ករ ខ្ទិះ កូឡេស្តេរ៉ូល (ខ្លាញ់ក្នុងសរសៃឈាម) ស៊ុតក្រហម បាយដំណើបសង់ខ្យា ជាដើម ។
+ អាហារហ្វាសហ្វូត (Fast Food) ទោះបីមានបន្លែខ្លះ ប៉ុន្តែមិនគ្រប់គ្រាន់ សម្រាប់តម្រូវការរបស់រាងកាយ ហើយសម្បូរទៅដោយ ម្សៅខ្លាញ់និងរសជាតិប្រៃ ។
១៦。 សារធាតុចម្រាញ់ពីទឹកទំពាំងបាយជូរ ជួយអោយរបួសឆាប់ជា
អ្នកវិទ្យាសាស្ត្រសហរដ្ឋអាមេរិក បានរកឃើញថា សារធាតុប្រូអែនថូសៃអានិឌីន ដែលមាននៅក្នុងទឹកទំពាំងបាយជូរ អាចជួយក្នុងការព្យាបាលរបួសអោយជាសះស្បើយ ឆាប់រហ័យឡើង ។ការពិសោធន៍នេះ បានធ្វើឡើងនៅក្នុងមន្ទីរពិសោធន៍ ដោយការយកសារធាតុប្រភេទនេះ មកធ្វើការសាកល្បង ប្រៀបធៀបជាមួយកណ្តុរដែលមានរបួសមួយក្រុម ឯកណ្តុរមួយក្រុមទៀត មានរបួសដូចគ្នា តែមិនបានទទួលសារធាតុនេះទេ ។លទ្ឋផលបានបង្ហាញថា ស្នាមរបួសរបស់កណ្តុរក្នុងក្រុមដែលបានទទួល ការព្យាបាលដោយសារធាតុប្រូអែនថូសៃអានិឌីន ឆាប់ជាសះស្បើយជាងកណ្តុរដែលមិនបានទទួលការព្យាបាល ។
១៧。 ពិសាស៊ុតឆ្អិន ប្រសើរជាងឆៅ
ប្រសិនចង់អោយបានរាងកាយមាំមួន ខួរក្បាលល្អ ការចងចាំល្អ ស៊ុតមាន់ ឬស៊ុតទាអាចជួយបាន ។
ស៊ុតក្រហម : ជាប្រភពជីវជាតិអាហារដ៏កំពូល ព្រោះប្រមូលផ្តុំដោយវីតាមីន A , D, E, ស៊ុលហ្វូរ (Sulphur) ប៉ូតាស្យូម កាល់ស្យួម ម៉ាញ៉េស្យូម និងជីវជាតិដែក ។ដោយសារគុណប្រយោជន៍ទាំងនេះហើយ ទើបអ្នកឯកទេស ចំណីអាហារ តែងតែយកស៊ុត ជាស្តង់ដារ ក្នុងការត្រួតពិនិត្យប្រូតេអ៊ីន របស់អាហារផ្សេងៗ ។
ស៊ុតស : ក្នុងស៊ុតស មានអាស៊ីដអាមីណូ ដែលសំខាន់ចំពោះរាងកាយគ្រប់ប្រភេទ ។ក្នុង១ថ្ងៃ រាងកាយត្រូវការកូលេស្តេរ៉ូល ពីអាហារមិនលើស ៣០០ម.ក្រ ប៉ុន្តែស៊ុតមានកូលេស្តេរ៉ូលពី ១៤៦-២៣២មិល្លីក្រាម ដែលចាត៉ទុកថាខ្ពស់។
អ្នកជំនាញផ្នែកអាហារ បានកំណត់ថា ទារកអាយុ៥ខែ ឡើងទៅ រហូតដល់វ័យជំទង់និងវ័យធ្វើការ អាចទទួលទានស៊ុតបានរាល់ថ្ងៃ ក្នុង១ថ្ងៃ ១គ្រាប់។ចំណែកមនុស្សវ័យចាស់ ឬមនុស្សដែលមានខ្លាញ់ក្នុងឈាមខ្ពស់ បរិភោគស៊ុតបាន១សប្តាហ៍ ៣គ្រាប់។
ប៉ុន្តែក្នុងការពិសាស៊ុត គួរចំអិនអោយឆ្អិន មិនគួរពិសាឆៅទេ ។មនុស្សខ្លះ និយមពិសាស៊ុតឆៅព្រោះជឿថា អាចបំប៉នរាងកាយបានល្អជាង ប៉ុន្តែតាមពិត នេះជាជំនឿដែលមិនត្រឹមត្រូវ ។នៅក្នុងស៊ុតឆៅ មានប្រូតេអ៊ីន អាវីឌីន ដែលនឹងទៅរាំងខ្ទប់ មិនអោយស្រូបយកវីតាមីន បណ្តាលអោយត្រូវបាត់បង់ប្រយោជន៍ល្អៗពីស៊ុត និងអាហារផ្សេងៗ ដែលពិសាចូលទៅ ។ប៉ុន្តែប្រសិនយកទៅធ្វើអោយឆ្អិនជាមុន ប្រូតេអ៊ីន អាវីឌីន នឹងត្រូវអស់ប្រសិទ្ឋភាព ។
ក្រៅពីនេះក្នុងស៊ុតឆៅ អាចមានមេរោគលាយឡំជាមួយ ពេលពិសាទៅមេរោគអាចមានឱកាស វាយលុកចូលរាងកាយបាន ។ ដូច្នេះពិសាស៊ុតឆ្អិន ប្រសើរជាងឆៅ ៕
១៨。 ពិសាចេក ជួយសម្រកទម្ងន់
ពីមុនចេកជាផ្លែឈើ ដែលមិនចាត់ចូលក្នុងក្រុមអាហារសម្រកទម្ងន់ទេ ព្រោះគេគិតថា ចេកធ្វើអោយកម្រិតជាតិស្ករ ក្នុងឈាម កើនឡើងយ៉ាងរហ័សហើយរាប់បញ្ចូលផ្លែចេក នៅក្នុង “ផ្លែឈើដែលអាក្រក់បំផុត បើសិនគិតតាមបរិមាណហ្វ្រុកតូស” .
ប៉ុន្តែពេលនេះ ចេកត្រូវបានអ្នកជំនាញធ្វើការវិភាគយ៉ាងពិស្តារ ឃើញថាចេកដែលសម្បូរដោយកាកសរសៃអាហារ វិតាមីនB6, និងមានប៉ូតាស្យូមខ្ពស់ ត្រូវចាត់ទុកជាអាហារផ្តល់ប្រយោជន៍ដល់ បេះដូងយា់ងច្រើន និងមានប្រយោជន៍ក្នុង ការជួយសម្រកទម្ងន់ ។តែសំខាន់ អ្នកត្រូវពិសាក្នុងបរិមាណសមស្រប គឺពិសាចេកផ្លែធុនកណ្តាល ១ផ្លែប៉ុណ្ណោះ ក្នុង១ថ្ងៃ មិនអោយលើសពីនេះទេ ៕
១៩。 ប្រើថ្នាំក្អក ត្រូវប្រយ័ត្ន
ទស្សនាវដ្តី Oeko-Test នៅប្រទេសអាល្លឺម៉ង់បានធ្វើតេស្តថ្នាំបំបាត់ក្អក ចំនួន៥១ប្រភេទ ដោយរកឃើញថា មានថ្នាំប្រភេទខ្លះ គ្មានប្រសិទ្ឋិភាពក្នុងការព្យាបាលរោគ ហើយមាន៣ប្រភេទ ដែលមានសារធាតុ Dibutthy phtalat (DBP) ដែលគេសង្ស័យថា វាអាចធ្វើអោយទារករលូតមុនពេលកំណត់ ។
ប្រការដែលគួរចៀសវៀង គឺថ្នាំកែរោគក្អកប្រភេទខ្លាំង ព្រោះវាសារធាតុខ្លះ ក្នុងថ្នាំកែរោគក្អក អាចធ្វើអោយប៉ះពាល់ ដល់អ្នកប្រើប្រាស់ ។ដូច្នេះបើទទួលទានថ្នាំបំបាត់ក្អក ដែលមានគុណភាពខ្លាំង គឺត្រូវប្រើតែក្នុងពេលចាំបាច់ប៉ុណ្ណោះ ដូចជាការឈឺ-ក ដោយសារស្លេស្ម ឬក្អក ខណៈគេងលក់ ។ អ្នកជំនាញណែនាំថា ប្រសិនបើមានអាការ ក្អកស្ងួតក៏គួរទទួលទានថ្នាំបំបាត់ក្អក មិនដូច្នេះទេ វាអាចធ្វើអោយស្លេស្មកកស្ទះ ក្នុងបំពង់ខ្យល់ អាចអោយមេរោគបាត់តេរី កកផ្តុំ បង្កអោយកើតអាការរលាកសួត ។
បច្ចុប្បន្ន មានថ្នាំកែក្អកចំនួន៨ប្រភេទ ដែលមានប្រសិទ្ឋភាពជាងគេ ចំណែកថ្នាំឈ្មោះ Tussafug Dragees គ្មានគុណភាពគ្រប់គ្រាន់ទេ ព្រោះមានសារធាតុពណ៌ Erythrosin ដែលគេសង្ស័យថា បណ្តាលអោយរងប្រតិកម្ម និងបំផ្លាញក្រពេញទីរ៉ូអ៊ីដ ។អ្នកជំនាញការបានណែនាំអោយបន្ថយស្លេស្មដោយខ្លួនឯង ដោយការពិសាតែរុក្ខឩសថ (ដូចជាផ្កាកេកហួយ) មួយថ្ងៃ៣លីត្រ ឬឆ្ពុងមុខជាមួយចំហាយទឹក ក៏បានផលដូចគ្នា ។ក្រៅពីនេះ ការហាត់ប្រាណក្នុងកន្លែងដែលមាន អាកាសធាតុបរិសុទ្ឋ ក៏ជួយបន្ថយអាការក្អកបានដែរ ។
២០。 ហាត់ប្រាណ ជួយសម្រាលបញ្ហារលាកពោះវៀន
មានមនុស្សមិនតិចទេ ដែលមានជំងឺរលាកក្រពោះវៀនរ៉ាំរៃ ដោយមិនដឹងមូលហេតុច្បាស់លាស់ មកពីអ្វី ហើយការទទួលទានថ្នាំ ក៏អាចជួយសម្រាលអាការរោគនេះបានដែរ ។ប៉ុន្តែបើតាមការសិក្សារបស់មន្ទីរពេទ្យ នៅទីក្រុងហ្វ្រែងហ្វឺត ប្រទេសអាល្លឺម៉ង់ បានរកឃើញថា ការហាត់ប្រាណ ដោយប្រើកម្លាំងទៀងទាត់ជាប្រចាំ អាចជួយសម្រាលការរលាកពោះវៀនបាន ។កីឡាដែលសមស្របសម្រាប់ការធ្វើអោយពោះវៀនមានសុខភាពល្អ គឺដើរ ហែលទឹក ជិះកង់ …៕
២១。 ប្រេងឆា ជួយអោយស្បែកជើងរលោងស្អាត
ធម្មតា ប្រេងឆាយើងប្រើសម្រាប់ ចម្អិនម្ហូបអាហារផ្សេងៗ ដូចជាចៀន ឬឆា ជាដើម ។ ប៉ុន្តែវាមានប្រយោជន៍ ក្នុងផ្នែកដ៏ទៃផ្សេងទៀត ដូចជាសម្រាប់លាបស្បែកជើង ដែលផលិតឡើងអំពីស្បែក ។ដំបូងយកក្រណាត់ជូតសម្អាត ស្នាមប្រឡាក់ចេញសិន បន្ទាប់មក បន្តក់ប្រេងឆា ២-៣ដំណក់ លើក្រណាត់ស្ងួតផ្សេងទៀត ហើយជូតអោយសព្វស្បែកជើង ។ធ្វើដូចនេះ ដើម្បីបំបាត់ស្នាម ឆ្នូតកោសតូចៗ និងធ្វើអោយស្បែកជើងនោះ មើលទៅស្អាតដូចថ្មីអឹចឹង ៕
(ដកស្រង់ចេញពីទស្សនាវដ្ថីអង្គរធំ ច្បាប់ ១៨៧)
២២。 ស្ត្រីមានផ្ទៃពោះ ខ្វះជីវជាតិអាហារ កូនកើតជំងឺធាត់
ជាការពិត ដែលក្មេងម្នាក់ៗអាចធាត់ ឬមិនធាត់ អាស្រ័យលើតំណពូជ របៀបហូបចុក និងការមិនហាត់ប្រាណ ។ប៉ុន្តែចុងក្រោយនេះ អ្នកស្រាវជ្រាវញូវហ្សេឡែនដ៏ រកឃើញមូលហេតុមួយទៀត ដែលបណ្តាលអោយក្មេងធាត់ គឺបញ្ហាចំណីអាហាររបស់ម្តាយ ខណៈមានផ្ទៃពោះ ។
តាមការស្រាវជ្រាវ របស់ក្រុមអ្នកវិទ្យាសាស្ត្រ លីកគិនស៍ ដែលត្រូវបានចុះក្នុងព្រឹត្តិបត្រ Proceeding របស់សហរដ្ឋអាមេរិក ថា មនុស្សម្នាក់ៗ មានការវិវឌ្ឍន៍ផ្នែកជីវសាស្រ្តខុសប្លែកគ្នា តាំងពីទារកក្នុងផ្ទៃម្តាយ ។ទារកកើតពីម្តាយ ដែលមានការទទួលទានអាហារមិនគ្រប់គ្រាន់ ខណៈមានគភ៌ ត្រូវបានប៉ាន់ស្មានថា នឹងត្រូវប្រឈមនឹងកង្វះជីវជាតិអាហារ ក្នុងពេលអនាគតផងដែរ ព្រោះប្រព័ន្ឋអភិវឌ្ឍន៍ផ្នែកជីវសាស្រ្ត មិនអាចសម្រួលអោយប្រព័ន្ឋដុតបំផ្លាញអាហារ គ្រប់គ្រាន់ ធ្វើអោយរាងកាយផ្តុំទុកជាតិខ្លាញ់ កាន់តែច្រើនឡើង បង្កទៅជាជំងឺធាត់ នៅទីបំផុត ។
ប្រសិនបើស្ត្រី ចង់អោយកូនចៀសផុតពីជំងឺធាត់ ក្រៅពីមើលថែខ្លួនឯង តាំងពីមានផ្ទៃពោះ ហើយអប់រំរបៀបបណ្តុះទម្លាប់ ហូបចុកត្រឹមត្រូវដល់កូន កុំភ្លេចនាំកូនតូច ហាត់ប្រាណ (លេង ឬធ្វើកិច្ចការ) ជាប្រចាំផង ៕
២៣。 មិនបានដេកមួយយប់ ប្រឈមមុខជំងឺសរសៃប្រសាទ
យោងតាមការសិក្សាស្រាវជ្រាវមួយ របស់អ្នកវិទ្យាសាស្ត្រអាមេរិកកាលពីពេលថ្មីៗ កន្លងមកបង្ហាញថា អ្នកមិនបានដេកមួយយប់អាច ប៉ះពាល់យ៉ាងធ្ងន់ដល់ខួរក្បាល ទោះបីជាអ្នកនោះមានសុខភាពល្អក៏ដោយ ។
ពេលដេកលក់ធ្វើអោយរាងកាយមនុស្ស និងខួរក្បាលមានលក្ខណៈល្អប្រសើរ ។តាមវេជ្ផបណ្ឌិតអាមេរិក មួយចំនួនអះអាងថា អ្នកមិនបានដេកមួយយប់ នឹងមានបញ្ហាជាប្រចាំ ចំពោះរាងកាយនិងសុខភាពសរសៃប្រាសាទ ។ តាមការសិក្សានោះរកឃើញថា ការធ្វើសកម្មភាពរបស់ខួរក្បាល ពេញមួយយប់ ឬអ្នកដែលមិនបានដេកពេញមួយយប់ប្រឈម មុខនឹងការកើតជំងឺសរសៃប្រសាទធ្ងន់ធ្ងរបំផុត ។
នៅក្នុងការសិក្សាស្រាវជ្រាវនោះ អ្នកវិទ្យាសាស្ត្រ បានស្នើសុំអោយអ្នកស្ម័គ្រចិត្តកុំដេកពេញមួយយប់ ។បន្ទាប់មកអ្នកវិទ្យាសាស្ត្រស្កែនពិនិត្យមើលខួរក្បាល អ្នកទាំងនោះ ឃើញថា ខួរក្បាលពួកគេមានការជាប់ពាក់ព័ន្ឋ ទៅនឹងការភ័យខ្លាច និងមានអារម្មណ៍ រវើរវាយច្រើន ៕
២៤。 ពិសាថ្នាំ នឹងទឹកក្តៅប្រយ័ត្នគ្រោះថ្នាក់
មនុស្សខ្លះ ជឿថា ការពិសាថ្នាំ ជាមួយទឹកក្តៅ ឩណ្ឌៗ ជួយអោយជំងឺឆាប់ជា ប៉ុន្តែគ្រូពេទ្យ តែងណែនាំ អោយពិសាថ្នាំ ជាមួយទឹក ដែលមានសីតុណ្ហភាពធម្មតា ឬត្រជាក់ច្រើនជាង ។ ការពិសាថ្នាំជាមួយទឹកក្តៅឩណ្ឌៗ អាចនាំអោយពិសាទឹកបានតិចតួច ដោយសារទឹកនោះក្តៅ ដូច្នេះ ថ្នាំមិនអាចធ្លាក់ ទៅដល់ក្រពះបាន ហើយអាចជាប់ទើរ នៅត្រង់បំពង់អាហារ និងកាត់បំពង់អាហារ រហូតដល់រលាក ។ដូច្នេះ គួរពិសាទឹកត្រជាក់ធម្មតា ពេលលេបថ្នាំ ហើយពិសាទឹកតាមពីក្រោយ អោយបានច្រើនៗ ដើម្បីអោយច្បាស់ថា គ្រាប់ថ្នាំធ្លាក់ដល់ក្រពះពិតប្រាកដ ។ចំពោះថ្នាំដែលត្រូវពិសា មុនពេលចូលគេង គួរពិសា មុនពេលចូលគេង ៣០នាទី កុំពិសារួច ចូលគេងភ្លាម ៕
(ដកស្រង់ចេញពីទស្សនាវដ្ថី អង្គរធំ ច្បាប់ ១៨៦)
២៥。 ទំពាស្ករកៅស៊ូ ជួយមិនអោយពុលឡាន
មនុស្សខ្លះ នៅពេលជិះរថយន្ត ទូក កប៉ាល់ តែងមានអាការពុល មានអារម្មណ៍វិលមុខ ឈឺក្បាល បែកញើស ជោកខ្លួន រហូតក្អួតចង្អោរ ពិបាកទ្រាំ តែអ្នកអាចការពារ បញ្ហាពុលឡាននេះបាន ដោយការដាក់ស្ករសៅស៊ូ គ្មានជាតិស្ករ តាមខ្លួន ព្រោះការទំពាស្ករកៅស៊ូ អាចជួយ ការពារអាការពុល វិលមុខ នៅពេលជិះ រថយន្ត ឬទូក កប៉ាល់ កាណូត … បានប្រសើជាងការប្រើថ្នាំពុលឡាន ដែលនាំអោយ ងងុយដេក មិនបានប្រយ័ត្នខ្លួន ពេលធ្វើដំណើរ …៕
(ដកស្រង់ចេញពី ទស្សនាវដ្ថីអង្គរធំ ច្បាប់ ១៨៦)
២៦。 ពិសាម្នាស់ ជួយប្រឆាំងរោគផ្តាសាយ
ម្នាស់ (Pineapple) ជាផ្លែឈើ ដែលមានគុណប្រយោជន៍អាហារច្រើនយ៉ាង ការពិសាជាប្រចាំអាចជួយបង្ការ ជំងឺរលាកតម្រងនោម សម្ពាធឈាមខ្ពស់ (ជួយបន្ថយសម្អាធឈាម) រលាកបំពង់ខ្យល់ ព្រមទាំងជួយរំលាយអាហារប្រភេទសាច់បានល្អ បង្កើនការបឺតស្រូបយកអាហារ បំបាត់ការស្រេកទឹក ជួយអោយរាងកាយមានភាពត្រជាក់ ជួយប្រឆាំងរោគផ្តាសាយ ។ប៉ុន្តែការសំខាន់ ដែលជួយអោយអ្នកពិសាម្នាស់ ដោយគ្មានប្រតិកម្ម គឺនៅពេលចិតសំបកចេញ ហាន់ជាចំណិតៗហើយ គួរយកម្នាស់ ត្រាំក្នុងទឹកអំបិល ប្រហែល ២-៣នាទីសិន ដើម្បីបំផ្លាញសារធាតុក្លៃខូខយដ៏ និងអង់ហ្សីម ប្រភេទខ្លះៗ ដែលធ្វើអោយអ្នកពិសា មានប្រតិកម្ម ។បន្ទាប់មក អាចពិសាបានយ៉ាងពេញចិត្ត ព្រោះការត្រាំទឹកអំបិល មិនបានធ្វើអោយបាត់បង់ រសជាតិទេ មានតែធ្វើអោយវាកាន់តែឆ្ងាញ់ថែមទៀត ។
ក្នុងផ្ឡែម្នាស់ សម្បូរទៅដោយវីតាមីន A និង C (Vitamin A & C) កាល់ស្យូម (Calcium) ផូស្វ័រ (Phosphorus) និងប្រូមេឡែន (Bromelain) …៕
(ដកស្រង់ចេញពីទស្សនាវដ្ថី អង្គរធំ ច្បាប់ ១៧៨)
២៧。 ហេតុអ្វីត្រូវទឹកភ្លៀង ផ្តាសាយ ?
ចាស់ៗ តែងដាស់តឿនថា កុំនៅហាលភ្លៀង ប្រយ័ត្នផ្តាសាយ ព្រោះថាភាគច្រើន នៅពេលមេឃរកកលភ្លៀង តែងមានខ្យល់បក់មកខ្លាំង នាំមកនូវមេរោគ វីរុស ដែលសាយភាយក្នុងអាកាស មកជាមួយផង ធ្វើអោយមនុស្សយើង ដែលស្ថិតនៅក្នុងបរិវេណនោះ បានទទួលមេរោគវីរុស ចូលទៅក្នុងខ្លួន ដោយមិនដឹងខ្លួន ។ ប្រសិនបើនៅពេលធម្មតា ពេលរាងកាយទទួលមេរោគ ប្រព័ន្ឋការពាររាងកាយ អាចកម្ចាត់វីរុសបាន ។ប៉ុន្តែ នៅពេលយើងត្រូវទឹកភ្លៀង ធ្វើអោយសីតុណ្ហភាពស្បែក ជាលិកាច្រមុះ ថយចុះប្រមាណ ១ -២ អង្សាសេ ដែលជាកម្រិតសីតុណ្ហភាព សមស្របសម្រាប់ ការលូតលាស់របស់មេរោគវីរុស ហើយមេរោគវីរុស ដែលចូលទៅក្នុងច្រមុះ ក៏លូតលាស់បង្កខ្លួន មានចំនួនច្រើនឡើង រហូតប្រព័ន្ឋការពាររាងកាយ មិនអាចកម្ចាត់បាន ដែលជាមូលហេតុនាំអោយ កើតជំងឺផ្តាសាយ ហើយប្រសិនបើមេរោគវីរុស រាលដាលទៅ ដល់បំពង់ក ក៏នឹងធ្វើអោយកើតរោគរលាកបំពង់ក ក៏នឹងធ្វើអោយកើតរោគរលាកបំពង់ក ក៏នឹងធ្វើអោយកើត រោគរលាកបំពង់ក ទៀតផង ។
ដូច្នេះ វិធីការពារជំងឺផ្តាសាយ ពេលភ្លៀងធ្លាក់គឺ :
១- ពេលភ្លៀងធ្លាក់ បើមានកន្លែងជ្រក ត្រូវចូលជ្រកភ្លាម តែបើមិនមានទេ ត្រូវយករបស់ផ្សេងៗ ដូចជា កាបូប សៀវភៅ ឬថង់កៅស៊ូ គ្របក្បាល ឬរកអាវភ្លៀងពាក់អោយជ
២៨。 ចង់បានធ្មេញស ត្រូវប្រយ័ត្ន
យុគសម័យបច្ចុប្បន្ននេះ កំពុងនិយមភាពស ទាំងស្បែក និងធ្មេញ ហេតុនេះហើយ ទើបអ្នកខ្លះ ពិសេសស្រ្តីៗ ដែលមានធ្មេញលឿង និងនិយមប្រើថ្នាំធ្វើអោយធ្មេញស ដែលមានសារធាតុគីមីធ្វើអោយ ៃ “អ៊ីដ្រូសែន ពែរអុកស៊ីដ” (Hydrogen Peroxide) .
តាមការពិនិត្យ ស្រាវជ្រាវ នៅប្រទេសអង់គ្លេស រកឃើញថា ក្នុងថ្នាំធ្វើអោយធ្មេញស ២០ប្រភេទ មាន ១៨ប្រភេទ ដែលមានកម្រិតសារធាតុធ្វើអោយស ហួសកម្រិតដែលច្បាប់អោយប្រើប្រាស់ ដែលធ្វើអោយអ្នក ដែលប្រើថ្នាំនេះ អាចកើតបញ្ហាក្នុងប្រហោងមាត់ ដូចជា កើតរោគអញ្ចាញ និងរោគស្រៀវធ្មេញ ។
ដូចនេះ អ្នកដែលចង់អោយធ្មេញស មិនគួរទិញថ្នាំធ្វើអោយធ្មេញស មកប្រើដោយខ្លួនឯងទេ យកល្អ គួរទៅពិគ្រោះជាមួយទន្តបណ្ឌិត ឬពេទ្យធ្មេញ ដើម្បីអោយបាន ធ្មេញសដូចចិត្ត និងគ្មានបញ្ហាដល់សុខភាព មាត់- ធ្មេញ ៕
(អត្ថបទដកស្រង់ចេញពីទស្សនាវដ្ថី អង្គរធំ ច្បាប់ ១៧៩)
២៩。 ភាពតានតឹង មូលហេតុនៃជំងឺប្រកាំង
ក្រុមអ្នកជំនាញផ្នែកសុខភាព បានប្រាប់ថា អាការប្រកាំង ឬឈឺក្បាលមួយចំហៀង (Migraine) បណ្តាលមកពីការពង្រឹងខ្លួនរបស់សាច់ដុំស្មា ខ្នង និងភាពតានតឹងផ្លូវអារម្មណ៍ ។ ប្រសិនបើមិនបានទទួល ការព្យាបាលត្រឹមត្រូវទេនោះ អាចធ្វើអោយទៅជាជំងឺពិការ មួយចំហៀងខ្លួនបាន ។ក្រៅពីនេះ ក្រុមអ្នកជំនាញ បានណែនាំអោយអ្នកជំងឺប្រកាំង មិនគួរទទួលទានរបស់ផ្អែម ឬទឹកសេរ៉ូទេ ព្រោះធ្វើអោយសរសៃឈាម រីកមាឌកាន់តែខ្លាំងឡើង និងត្រូវទទួលទានថ្នាំ មុនពេលមានអាការនេះរើឡើង ព្រោះប្រសិនបើទទួលទាន ខណៈពេលឈឺ ក៏មិនអាចជួយអោយបាត់ឈឺបានទេ ៕
(ដកស្រង់ចេញពីទស្សនាវដ្ដី អង្គរធំ ច្បាប់ ១៥៧)
៣០。 អាកាសធាតុប្រែប្រូល ប៉ះពាល់ដល់សុខភាព
អំឡុងពេលមានអាកាសធាតុមិនទៀតទាត់ ជូនក្តៅ ជូនត្រជាក់ អាចធ្វើអោយមានអាការវិលមុខ ឈឺក្បាល និងគេងមិនលក់ ។បញ្ហានេះ វេជ្ផបណ្ឌិត វ៉ូលហ្វ៍ គុនធើរ បែនហាតត៍ អ្នកឯកទេសជំងឺ ប្រតិកម្មធាតុអាកាស នៅក្រុងមុយនិច ប្រទេសអាល្លឺម៉ង់ រំលឹកថា អាកាសធាតុប្រែប្រួលញឹកញាប់ អាចបណ្តាលអោយសរសៃឈាមរីកមាឌ និងសម្ពាធឈាមចុះទាប ចំពោះអ្នកមានរាងកាយមាំមួន គឺអាចសម្របខ្លួនបានឆាប់រហ័យ ដោយមិនមានបញ្ហា ។ផ្ទុយទៅវិញ អ្នកជំងឺគ្រុន ដែលមានសម្ពាធឈាមទាប និងពិសាថ្នាំ អាចមានបញ្ហាឈាមខ្យល់ ដោយសារអាកាសធាតុប្រែប្រួល ឆាប់រហ័យ តែងប៉ះទង្គិចដល់អ្នកដែលពិសាថ្នាំ កាន់តែខ្លាំងជាងមុន ហើយក្រុមមនុស្សដែលមានអត្រា ប្រឈមខ្ពស់បំផុត គឺមនុស្សចាស់ជរា អ្នកជំងឺទឹកនោមផ្អែម និងទារក ។អ្នកឯកទេស បានណែនាំថា ក្នុងថ្ងៃណា អាកាសធាតុក្តៅស្អុះស្អាប់ ហប់ខ្យល់ គួរស្លៀកពាក់អោយមានភាពធូររលុង ពិសាទឹកអោយបានច្រើន ជាង១លីត្រ ក្នុង ១ថ្ងៃ ។ចំណែកឯអ្នកមានបញ្ហាសុខភាព អាចពិបាកក្នុងការសម្របខ្លួន ជាពិសេស ក្នុងអំឡុងពេលមានរដូវ គួរតែចៀសវាងធ្វើការត្រាំត្រែង ៕
(ដកស្រង់ចេញពីទស្សនាវដ្ថី អង្គរធំ ច្បាប់ ១៧៩)
៣១。 ពិសាទឹកក្រូច ធ្វើអោយខ្លួនទាប ?
តាមការស្រាវជ្រាវ ដែលបានចុះផ្សាយក្នុងទស្សនាវដ្ថីបរទេសមួយ អោយដឹងថា ស្រ្តីដែលចង់បានរូបរាងខ្ពស់ស្អាត ដូចតារាបង្ហាញម៉ូដ តែចូលចិត្តពិសាទឹកក្រូចដប ឬកំប៉ុង ប្រភេទដែលគ្មានស្ករ អាចខកបំណងដោយសារទឹក្រូចប្រភេទនោះ គ្មានសារធាតុអាហារអ្វីឡើយ ក្រៅពីទឹក និងហ្គាស នៅពេលពិសាទៅ អាចធ្វើអោយឆ្អល់ពោះ មិនចង៉ទទួលទានអាហារ នាំអោយរាងកាយទទួលបានជីវជាតិអាហារ មិនគ្រប់គ្រាន់។
ក្រៅពីនេះ ទឹកក្រូច នៅមានអាស៊ីដកាបូនិក ដែលធ្វើអោយរាងកាយ បញ្ចេញជាតិកាល់ស្យូម (Calcium) ដែលជាសារធាតុសំខាន់ ក្នុងការសាងឆ្អឹង និងកម្ពស់ ចេញពីរាងកាយ ធ្វើអោយស្រីៗ ដែលកំពុងស្ថិតនៅវ័យលូតលាស់ ធំធាត់ទាំងឡាយ លែងដកកម្ពស់ ឬធ្វើអោយខ្លួនទាប ដោយមិនដឹងខ្លួន …៕
(ដកស្រង់ចេញពីទស្សនាវដ្ថី អង្គរធំ ច្បាប់ ១៧៩)
៣២。 អាថ៌កំបាំង ដើម្បីសុខភាពល្អ
– ទទួលទានបន្លែ និងផ្លែឈើ មួយថ្ងៃ ៥ដង (៥ចានតូច) អោយបានច្រើនមុខ ។
– ទទួលទានធញ្ញជាតិ មួយថ្ងៃ ៣ដង រួមទាំងនំប៉័ងហូលវីត និងបាយពីអង្ករសំរូបផងដែរ ។
– មិនគួរទទួលទានជាតិខ្លាញ់លើសពី ៦០-៧០ក្រាម ឡើយ ។
– ទទួលទានបន្លែនិង ផ្លែឈើស្រស់ មួយថ្ងៃ ២លើក ដូចជា ប៉ោម បន្លែ ឬឃិនឆាយព្រោះជា អាហារជួយអោយរាងកាយ មានភាពស្រស់ស្រាយ ។
– ទទួលទានសាច់សត្វអោយតិច តែទទួលទានត្រីអោយច្រើន ។គួរទទួលទានសាច់សត្វ មួយសប្តាហ៍ ២ដង និងគួរទទួលទានខ្លាញ់ត្រី អោយបានញឹកញាប់ ។
– ទទួលទានទឹកដោះគោ ឬផលិតផលពីទឹកដោះគោ មួយថ្ងៃម្តង ដើម្បីអោយបានសារធាតុកាល់ស្យូម បំប៉នឆ្អឹង ។
– ទទួលទានអាហារកំប៉ិកកំប៉ុក ក្រៅពេលបន្តិចបន្តួចបានហើយ ។
– មិនបាច់ខ្លាចអាហារ ក្លាស្សេរឹងទេ ព្រោះយ៉ាងណា ក៏វាប្រសើរជាង អាហារឆ្អិនស្រាប់ (Fast Food) ដែរ ៕
(ដកស្រង់ពីទស្សនាវដ្ថី អង្គរធំ ច្បាប់ ១៧៩)
៣៣。 អាហារ៧យ់ាង មិនគួរពិសារពេលពោះទទេ
នៅពេលមានការស្រេកឃ្លានខ្លាំង ខណៈដែលគ្មានអ្វីទ្រាប់ក្រពះសោះ អ្នកគួរចៀសវាង ទទួលទានអាហារ ដូចខាងក្រោម :
សុរា-ខ្ទឹមស : ធ្វើអោយភ្នាសក្រពះ កើតដំបៅក្នុងក្រពះ និងជំងឺក្រពះ
ស្ករ និងបង្អែម : ដូចជាទឹកក្រូច ស្ករគ្រាប់ សូកូឡា ធ្វើអោយប្រូតេអ៊ីន ក្នុងអាហារផ្នែកខ្វះ រួមគ្នា ជាមួយស្ករ ប៉ះពាល់ដល់ការបឺតស្រូប យកប្រូតេអ៊ីន គ្រប់ប្រភេទ និងបន្ថយប្រសិទ្ឋិភាព ធ្វើការរបស់តម្រងនោម។
តែចាស់ : មានកាហ្វេអ៊ីន ស្រដៀងនឹងកាហ្វេ បើសិនពិសានៅពេលពោះទទេ អាចធ្វើអោយញ័រដើមទ្រូង វិលមុខ ល្ហិតល្ហៃដៃជើង ។
ផ្លែទន្លាប់: ជំរុញអោយក្រពះបង្ហូរអាស៊ីដ អំបិលច្រើនពេក នាំអោយកើតដំបៅក្នុងក្រពះ មានអារម្មណ៍ មួលចង់ក្អួត និងឈឺដើមទ្រូង ។
ចេក : ធ្វើអោយជាតិម់ាញេស្យូម ក្នុងឈាមខ្ពស់ បណ្តាលអោយកាល់ស្យូម និងម៉ាញ៉េស្យូម ក្នុងរាងកាយ មិនមានលំនឹង ហើយបង្អាក់ដល់ប្រព័ន្វការពារ របស់សរសៃឈាមបេះដូង ។
បន្លែ : ជាពិសេសបន្លែឆៅ ប្រសិនបើទទួលទានពេលពោះទំនេរ វាធ្វើអោយឆ្អល់ពោះ ។
ទឹកដោះគោ និងសណ្តែកសៀង : ទោះបីមានប្រយោជន៍ ប៉ុន្តែត្រូវពិសានៅពេល
៣៤。 ពិសាការ៉េម យ់ាងណា អោយសុខភាពល្អ ?
តាមការសិក្សារបស់ សាកលវិទ្យាល័យ ក្រុងវីយែន ប្រទេសអូទ្រីស បានអោយដឹងថា ការ៉េម អាចបន្ថយភាពតានតឹងបាន ហើយការ៉េមទឹកដោះគោ មានជីវជាតិរ៉ែ និងវីតាមីនជាច្រើន ទាំងកាល់ស្យូម និងប្រូតេអ៊ីន ។
ទន្ទឹមនេះ តាមរបាយការណ៍សិក្សាស្រាវជ្រាវមួយទៀត ពីព្រឹត្តិបត្រ័ British Medical Journal បានអោយដឹងថា មួយភាគបី នៃអ្នកទទួលទានការ៉េម នឹងមានអារម្មណ៍ឈឺក្បាលខ្ញាក ២-៣នាទី ដូចគ្នានឹងការទទួលទានភេសជ្ផៈ ដែលត្រជាក់ខ្លាំង តែវាឆាប់បាត់ទៅវិញ ។ ប៉ុន្តែចំពោះអ្នកដែលកើតជំងឺប្រកាំង អាចនឹងឈឺភ្លាមៗ ពេលទទួលទានការ៉េ ឬរបស់ត្រជាក់ខ្លាំង ។ដូច្នេះគួរទទួលទាន តែបន្តិចបន្តួចបានហើយ ។
ប៉ុន្តែចំពោះស្រ្តី ដែលចង់មានគភ៌ឆាប់ៗ គួរប្រយ័ត្នការ៉េម មានជាតិខ្លាញ់ទាប ព្រោះតាមរបាយការណ៍ អ្នកស្រាវជ្រាវអាមេរិក ដែលមានចុះផ្សាយក្នុងទស្សនាវដ្ថី Human Reproduction បញ្ផាក់ថា អាហារ ដែលមានជាតិខ្លាញ់ទាបពេក និងរាំងស្ទះមិនអោយអូវុលធ្លាក់ តាមវដ្តរដូវ ។
ក្រៅពីនេះ មានមនុស្សមួយចំនួនគិតថា ភាពត្រជាក់របស់ការ៉េម ប្រហែលជាសម្លាប់មេរោគបាន តែតាមកាពិត ភាពត្រជាក់បែជាធ្វើអោយមេរោគ រីករាលដាលច្រើន ទៅវិញទេ ជាពិសេស ការ៉េមដែលលលក់នៅតាមចិញ្ចើម
៣៥。 ពិសាស្លឹកខ្ទឹម កុំចោលគល់!
មនុស្សមួយចំនួនពេលប្រើស្លឹកខ្ទឹម ឬដើមខ្ទឹម (Multiply Onion) សំរាប់ផ្សំក្នុងម្ហូបតែងកាត់គល់ខ្ទឹមចោល ដែលនោះប្រៀបដូចជា ការចោលរបស់ល្អដូច្នេះដែរ ព្រោះក្នុងគល់ខ្ទឹម សម្បូរទៅដោយសារធាតុអាហារ ដែលមានគុណប្រយោជន៍យ៉ាងច្រើន ដូចជាកាល់ស្យូម ផូស្វ័រ បេតា ខារ៉ូទីន ហ្វ្លាវ៉ូណយ វីតាមីន C …ដែលអាចការពារមហារីកបាន ។ក្រៅពីនេះ ក្នុងតម្រា ឱសថបុរាណចិន បានកត់ត្រាទុកថា គល់ខ្ទឹម មានឬទ្ឋិក្នុងការព្យាបាល រោគផ្តាសាយ សម្លាប់មេរោគ បញ្ចេញញើស បញ្ចេញនោម កម្ចាត់ស្លេស្ម ព្យាបាលអាការហើមពោះ ជួយអោយឈាមដើរស្រួល ថែមទាំងមានសារធាតុអាហារ ១០ប្រភេទទៀត ដែលមានប្រយោជន៍ចំពោះរាងកាយ ហើយបើទទួលទានគល់ខ្ទឹម ជាមួយខ្ញីហាន់ផងនោះ កាល់តែល្អឡើង ។
តម្រាខ្លះ ណែនាំអោយបុកដើមខ្ទឹម ប្រមាណ ៨-១០ដើម អោយម៉ដ្ឋ រួចដាក់ត្រាំក្នុងទឹកក្តៅ ពិសាទាំងក្តៅឩណ្ឌៗ ព្យាបាលជំងឺផ្តាសាយ តឹងច្រមុះ ហៀរសំបោរ ឈឺក្បាល ឈឺខ្នង ចង្កេះ រាករូស ។ ម្យ៉ាងទៀតបើយកដើមខ្ទឹម ទៅកិនច្របាច់យកតែទឹកពិសា ជួយកែបញ្ហាស្ទះសរសៃឈាម ហូរឈាមតាមច្រមុះ ទម្លាក់សត្វល្អិន ព្រូន នោមឈាម ។ ប៉ុន្តែបើយកស្លឹកខ្ទឹមស្រស់ បុកលាយជាមួយសាច់ជូរ អោយម៉ដ្ឋ ក្នុងអត្រាមួយមុខពាក់កណ្តាល យកមកលាបព្យាបាលស្នាមជា
Phnom Penh Time
គេហទំព័រ: ក្រុមនិស្សិតនៃសាកលវិទ្យាល័យភូមិន្ទភ្នំពេញ ផ្នែកព័ត៏មានវិទ្យា (Freshman) ជំនាន់ទី ១៦ បន្ទប់A5 
You must be logged in to post a comment.